site
stats
پاکستان

رائے ونڈ مارچ ضرور کیا جائے گا،تحریک انصاف کا اٹل فیصلہ

بنی گالہ : بنی گالہ میں ہونے والے تحریک انصاف کے مرکزی رہنماؤں کے ہنگامی اجلاس میں رائے ونڈ مارچ کرنے کا حتمی فیصلہ کرلیا گیا ہے۔

تفصیلات کے مطابق رائے ونڈ مارچ ملتوی یا منسوخ کیے جانے کی افواہوں کی تیزی سے پھیلنے کے بعد تحریک انصاف کے مرکزی رہنماؤں کا اہم اجلاس بنی گالہ میں چیئرمین عمران خان کی صدارت میں ہوا،اجلاس میں اس بات کا فیصلہ کیا گیا کہ پاناما لیکس کو منطقی انجام تک پہنچانے کیلئے ہر صورت رائے ونڈ مارچ کیا جائے گا۔

اس موقع پرسربراہ پی ٹی آئی عمران خان نے خطاب کرتے ہوئے کہا کہ ہم نے یہ فیصلہ کیا ہے کہ پاناما لیکس کے معاملے کو منطقی انجام تک پہنچائیں گے اور ہمارا مارچ ملک میں کرپشن کو ختم کرنے کیلئے اہم سنگ میل ثابت ہوگا۔

انہوں نے مزید کہا کہ م نے تمام اداروں کا دروازہ کھٹکھٹایا کہ ہمیں انصاف دیا جائے لیکن کسی جانب سے تاحال کوئی جواب نہیں آیا کیوں کہ نواز شریف نے ہرادارے کو اپنی مٹھی میں بند کر رکھا ہے اورکوئی بھی ادارہ ان کی مرضی کے خلاف کام نہیں کر سکتا۔

ذرائع کے مطابق اجلاس میں رائے ونڈ مارچ کے سلسلے میں اہم فیصلے کئے گئے جن کے تحت میڈیا کی رہنمائی کرنے کے لئے متعدد کمیٹیاں بنا دی گئیں تا کہ زیادہ موثر مہم ہو سکےاس کے ساتھ ہی رائے وند مارچ کے سلسلے میں اتوار کو بنی گالہ میں ورکرز کنونشن بھی منعقد کرنے کا بھی فیصلہ کیا گیا ہےاعلان کیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top