site
stats
پاکستان

امریکی جاسوس ریمنڈ ڈیوس کی کتاب منظرعام پر آگئی

نیویارک : دو شہریوں کے قتل کے بعد رہائی پا کر امریکا واپس جانے والے امریکی جاسوس ریمنڈ ڈیوس کی کتاب منظرِ عام پر آگئی، کتاب میں ریمنڈ ڈیوس نے گرفتاری سے رہائی تک کے واقعات بیان کئے ہیں۔

تفصیلات کے مطابق دو پاکستانی نوجوانوں کے قتل اور ڈرامائی رہائی پر شہرت پانے والے امریکی جاسوس ریمنڈ ڈیوس نے اپنی آپ بیتی بیان کردی، ریمنڈ ڈیوس نے اپنی کتاب دی کنٹریکٹر میں دہشت گردی کے خلاف جنگ کی اصل قیمت کی عکاسی کرنے کی کوشش کی ہے۔

کتاب میں ریمنڈ ڈیوس نے 2011 میں پاکستان کے شہر لاہور میں پیش آنے والے واقعے کی تفصیلات درج کی ہیں جس کے بعد انہیں جیل جانا پڑا تھا اور دونوں ملکوں کے سفارتکار انہیں وہاں سے نکالنے کے لیے سرگرم ہوگئے تھے۔

ریمنڈ ڈیوس نے اپنی کتاب میں بتایا ہے کہ ان کی رہائی میں پاکستان اور امریکا کی سرکردہ شخصیات نے اہم کردار ادا کیا۔

ریمنڈ ڈیوس کا کہنا تھا کہ ایک عام دن کی معمول کی ڈرائیو فرنٹ پیج کی خبر بن گئی۔

واضح رہے کہ امریکی جاسوس ریمنڈ ڈیوس نے 2011 میں لاہور میں دو نوجوانوں کو فائرنگ کرکے قتل کردیا تھا، ریمنڈ ڈیوس کو واقعہ کے بعد گرفتار کرلیا گیا تھا، ریمنڈ ڈیوس کی گرفتاری سے امریکا اور پاکستان کے تعلقات تناؤ کا شکار ہوگئے تھے۔

اڑتالیس روز جیل میں رہنے کے بعد لاہور کی سیشن کورٹ نے ریمنڈ ڈیوس کورہا کردیا تھا۔

ریمنڈ ڈیوس نے جاں بحق افراد کے اہلخانہ کو بیس کروڑ خوں بہا اور غیر قانونی ہتھیار رکھنے پر بیس ہزارجرمانہ ادا کیا تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top