پارٹی کے نام کا اعلان23مارچ کو مقدس جگہ پر کیا جائے گا، رضاہارون -
The news is by your side.

Advertisement

پارٹی کے نام کا اعلان23مارچ کو مقدس جگہ پر کیا جائے گا، رضاہارون

کراچی: رضاہارون نے کہا ہے کہ تئیس مارچ کواپنی جماعت کے نام کااعلان کریں گے اور اپنی پارٹی کے اغراض ومقاصدسے بھی آگاہ کیاجائے گا۔

کراچی میں میڈیا سے گفتگوکرتے ہوئے رضا ہارون نے کہا کہ 23 مارچ کو پاکستان کی جمہوریت میں نئے باب اور نئی سوچ کا اضافہ ہوگا، اس دن ہم بہت مقدس مقام پر بہت اہم اعلان کریں گے جب کہ اس روز پاکستان کی ترقی و تعمیر کی پہلی اینٹ رکھی جائے گی، اس روز ہم اپنی جماعت کے نام کے علاوہ منشور اور نظریے کا بھی اعلان کریں گے۔

انہوں نے کہا کہ ملک کی 20 کروڑ آبادی میں سے صرف چند لاکھ لوگ ہی کسی سیاسی جماعت سے وابستہ ہیں، اس لیے پاکستان کے ان 99 فیصد عوام سے کہتا ہوں کہ وہ چند افراد کچھ جماعتوں کے لیے نہیں بلکہ پاکستان کے لیے ہمارا ساتھ دیں، اگر ان سے کوئی غلطی ہو تو انہیں پاکستان کے لیے نظرانداز کریں۔

18 مارچ کو ایم کیو ایم کی جانب سے اچھی خبر کے اعلان پر رضا ہارون نے کہا کہ اچھی خبر دینے کے لیے سال کا ایک ہی دن رکھا ہے، ایم کیو ایم کے پاس جتنا بڑا مینڈیٹ ہے اس لحاظ سے اسے بڑی خبریں روز دینی چاہئیں، آخر وہ کب تک لوگوں کو بری خبریں دیتے رہیں گے۔

 

Comments

comments

یہ بھی پڑھیں