اشرافیہ غریب کی بات کرتا ہے، غریب کے لیے کرتا کچھ نہیں، رضا ربانی Raza Rabbani
The news is by your side.

Advertisement

رضا ربانی کی غریبوں کے حق میں‌ تصنیف کی رونمائی

اسلام آباد : چیئرمین سینیٹ رضا ربانی نے کہا ہے کہ حکمراں اشرافیہ طبقہ جو کہتا ہے اس کے برعکس اقدامات کرتا ہے یہ غریب کے لیے بات تو کرتے ہیں مگر عملی طور پر کرتے کچھ نہیں کرتے۔

یہ بات انہوں نے اپنی کتاب کی تقریب رونمائی کے موقع پر شرکاء سے خطاب کرتے ہوئے کہی، انہوں نے بتایا کہ لوگوں کی مجبوریوں نے مجھے کہانیاں لکھنے پر مجبور کیا کیوں کہ ایسےلگا کہ یہ بے سہارا لوگ مطالبہ کر رہے ہوں کہ ہماری حالتِ زار پر لکھو۔

raza-post

چیئرمین سینیٹ نے کہا کہ پاکستان کی اشرافیہ کو ملک کے غریب لوگ نظرنہیں آتے حالانکہ اشرافیہ کے برعکس پسماندہ طبقات ہی اصل پاکستان ہے اس کے باوجود حکمران اشرافیہ محروم اور کچلے ہوئے طبقے کے لیے جوکہتی ہے کرتی اس کے بالکل برعکس ہے۔

انہوں نے کہا کہ معاشرتی حقیقت کواپنےالفاظ میں بیان کرنےکی کوشش کی ہے میں نےسچائی کے جذبے سے کتاب لکھی ہے یہ وہ پاکستان ہے جو اشرافیہ کو نظر نہیں آتا اسی لیے میں نے عام لوگوں کی مشکلات کو تحریر کے ذریعے سامنے لانے کی کوشش کی ہے۔

رضا ربانی کا کہنا تھا کہ اشرافیہ غریب کے بارے میں بات تو کرتی ہے لیکن کرتی کچھ نہیں اور محروم طبقے سے یکسر غافل نظر آتی ہے چنانچہ میری کوشش رہی ہے کہ اپنی تحریروں میں عام لوگوں کی کہانی کو اجاگر کروں اور اشرافیہ کے ضمیر کو جھنجھوڑ سکوں۔

انہوں نے کتاب کی تکمیل میں حوصلہ افزائی اور معاونت کرنے پر اپنے اہل خانہ، دوستوں اور اراکین پارلیمنٹ کاشکریہ ادا کرتے ہوئے کہا کہ آپ لوگوں کے تعاون کے بغیر یہ ناممکن تھا۔

Comments

comments

یہ بھی پڑھیں