تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

پٹرولیم مصنوعات کی قیمتیں کیسے کم ہوئیں؟ اندرونی کہانی سامنے آگئی

اسلام آباد : پٹرولیم مصنوعات کی قیمتوں میں کمی کی وجہ سامنے آگئی ، وزیراعظم نے قیمتیں کم نہ کرنے کی ایڈوائس ماننےسےانکار کرتے ہوئے کہا کہ قیمتوں میں کمی کے لئے جس حد تک جانا ہو گا جاؤں گا۔

تفصیلات کے مطابق پٹرولیم مصنوعات کی قیمتوں میں کمی سے متعلق اندورنی کہانی سامنے آگئی ، ذرائع کا کہنا ہے کہ وزیراعظم عمران خان پٹرولیم مصنوعات کی قیمتوں میں کمی کیلئے ڈٹ گئے اور قیمتیں کم نہ کرنے کی ایڈوائس ماننے سے انکار کر دیا تھا۔

آئی ایم ایف اور وزارت خزانہ پٹرولیم مصنوعات کی قیمتیں بڑھانا چاہتے تھے تاہم وزیراعظم نے آئی ایم ایف اور وزارت خزانہ کا دباؤ بھی مستردکرتے ہوئے قیمتوں میں کمی کے لیے براہ راست ہدایات دیں۔

وزیراعظم عمران خان کا کہنا تھا کہ گزشتہ حکومت پہلےہی غریبوں کولوٹ چکی ہے، غریب طبقے کا مزید استحصال نہیں ہونے دیں گے، بجلی اورگیس کی قیمتوں میں بھی اضافہ نہیں ہونا چاہیے۔

عمران خان نے کہا کہ آئی ایم ایف کے ساتھ معاہدوں کے نتیجے میں منی بجٹ کا بھی خدشہ تھا، وزیراعظم کی ذاتی مداخلت سے منی بجٹ نہیں آنے دیا گیا، قیمتوں میں کمی کے لئے جس حد تک جانا ہو گا جاؤں گا، ملک سے مہنگائی کم کر کے دکھاؤں گا۔

یاد رہےحکومت نے پٹرولیم مصنوعات کی قیمتوں میں کمی کا اعلان کیا تھا اور پٹرول کی قیمت میں5 روپےکمی  کی گئی تھی۔

وزارت خزانہ کی جانب سے جاری نوٹیفکیشن کے مطابق پٹرول کی قیمت میں 5 روپےکمی کے بعد پٹرول کی فی لیٹر قیمت 111.60 روپے، ہائی اسپیڈل ڈیزل کی قیمت میں5 روپے کمی کے بعد 122.26 اور لائٹ ڈیزل کی قیمت میں7 روپےکمی کے بعد نئی قیمت77.51 روپے ہوگئی تھی۔

Comments

- Advertisement -