اسلام آباد : وفاقی کابینہ میں ردوبدل کارکردگی، خفیہ رپورٹس، مانیٹرنگ اور عوامی رائے کے باعث کیا گیا، اسدعمرکی حالات بہتر ہونے کی تسلیاں وزیراعظم کو مطمئن نہ کرسکیں جبکہ گیس بلوں پر سخت دباؤ کے باعث غلام سرور کو تبدیل کیاگیا۔
تفصیلات کے مطابق وفاقی کابینہ میں ردوبدل کی وجوہات اور مزید تفصیلات سامنے آگئیں، کارکردگی، خفیہ رپورٹس، مانیٹرنگ اور عوامی رائے ردوبدل کا سبب بنی، بعض وزراکی کارکردگی پروزیراعظم نالاں تھے،گزشتہ ماہ ہٹانےکافیصلہ کیاگیاتھا۔
ذرائع کا کہنا ہے ایمنسٹی، مہنگائی، ایف بی آر کی ناکامی، ڈالر مہنگا اسدعمرکی وزارت لےگیا، اسد عمر کو ہٹانے کیلئے وزیراعظم پر پارٹی اور حکومتی ارکان کا دباؤ تھا، وزیراعظم متعدد مرتبہ اسد عمر سے مہنگائی کا شکوہ کرتےرہے، اسد عمر آپ کی پالیسیاں غریبوں کیلئے مشکلات پیدا کر رہی ہیں۔
ایمنسٹی، مہنگائی، ایف بی آر کی ناکامی، ڈالر مہنگا اسدعمرکی وزارت لےگیا
ذرائع کے مطابق اسدعمرکی حالات بہترہونےکی تسلیاں وزیراعظم کومطمئن نہ کرسکیں، کابینہ کے آخری دو اجلاس میں متعدد وزرا کی بھی اسد عمر سےگرماگرمی ہوئی، وزیراعظم نے اسد عمر کو وزارت چھوڑنے پر مائل کرنے میں 2دن لگائے۔
وزیراعظم نے اسد عمر کو وزارت چھوڑنے پر مائل کرنے میں 2دن لگائے
گیس کے بلز پر رپورٹ نے وزیرپٹرولیم کودفاعی پوزیشن پرلاکھڑاکیا، گیس بلوں پرسخت دباؤکےباعث غلام سرورکوتبدیل کیاگیا جبکہ ادویات کی قیمتوں میں اضافہ پر عامر کیانی کو ناراضی کا پیغام پہنچایاگیا۔
گیس بلوں پرسخت دباؤکےباعث غلام سرور جبکہ ادویات کی قیمتوں میں اضافہ پر عامر کیانی کوتبدیل کیاگیا
ذرائع کا کہنا تھا وفاقی وزیراطلاعات فوادچوہدری بھی اختلافات کی زدمیں آئے، ایم ڈی پی ٹی وی پر تنقید اور ملازمین کے مظاہرے میں آمدناگوار تھی، فواد چوہدری کو سینئر پارٹی رہنماؤں پر تنقید بھی مہنگی پڑی، ان کی خواہش اورمرضی پرنئی وزارت دی گئی۔
اعظم سواتی کی کابینہ میں واپسی کافیصلہ بھی ایک ماہ پہلےکرلیاگیاتھا، ان کی واپسی تک وزارت سائنس وٹیکنالوجی خالی تھی، فوادچوہدری کو نئی وزارت کیلئے اعظم سواتی کو ایڈجسٹ کیاگیا۔
اعظم سواتی کی کابینہ میں واپسی اور فردوس عاشق اعوان کو وزارت اطلاعات دینے کافیصلہ بھی ایک ماہ پہلےکرلیاگیاتھا
شہریارآفریدی اختیارات کےباوجودمتاثرکن کارکردگی نہ دکھاسکے جبکہ فردوس عاشق اعوان کو وزارت اطلاعات کافیصلہ ایک ماہ پہلے کیاگیا تھا، فردوس عاشق کو وزیراعظم نےگزشتہ روز فون پر ذمہ داریوں کی اطلاع دی۔
اعظم سواتی، اعجاز شاہ، حفیظ شیخ کو وزارتیں دینے کا مشاورت کے بعد کیاگیا ، ظفراللہ مرزا کو قابلیت کی بنیاد پر وزارت صحت میں بطور معاون کا فیصلہ کیاگیا۔
عبد القادر گزشتہ 14 برس سے اے آر وائی نیوز کے اسلام آباد بیورو سے بطور سینئر رپورٹر وابستہ ہیں۔ پارلیمنٹ ہاؤس، وزیر اعظم آفس، وفاقی کابینہ کی رپورٹنگ کرتے ہیں، بالخصوص پاکستان تحریک انصاف، اپوزیشن قیادت اور اہم سیاسی تبدیلیوں پر گہری نگاہ رکھتے ہیں۔ سیاسی رپورٹنگ، پارلیمانی امور اور حکومتی و اپوزیشن حلقوں سے مستند خبروں کے حوالے سے ایک معتبر صحافتی آواز ہیں۔