site
stats
پاکستان

دو ماہ سے قتل کی دھمکیاں دی جارہی ہیں، سلمان مجاہد

کراچی: ایم کیو ایم پاکستان کے رکن قومی اسمبلی سلمان مجاہد بلوچ نے کہا ہے کہ مجھے دو ماہ سے قتل کرنے کی دھمکیاں دی جارہی ہیں، واٹس ائپ نمبر سے دھمکی آمیز کالز اور پیغامات موصول ہورہے ہیں۔

اے آر وائی کے پروگرام الیونتھ آور میں میزبان وسیم بادامی سے گفتگو کرتے ہوئے سلمان مجاہد نے کہا کہ مجھے میرے 2 گن مین واپس دلوائے جائیں کیونکہ مارچ سے واٹس ایپ پر قتل کرنے کی دھمکیاں اور پیغامات موصول ہورہے ہیں مگر ابھی اُن کالز سے متعلق ایف آئی آر درج نہیں کروائی۔

انہوں نے کہا کہ پاک سزمین پارٹی کے لیے صرف دعا ہی کی جاسکتی ہے کیونکہ کراچی میں 10 لاکھ لوگوں کو جمع کرنا آسان کام نہیں، مہاجر قومی موومنٹ سے بڑھتے ہوئے مراسم کے حوالے سے سلمان مجاہد کا کہنا تھا کہ مجھے آفاق احمد سے بات چیت سے متعلق کوئی علم نہیں۔

سلمان مجاہد نے کہا کہ عمران خان کو اپنے مزاج میں تبدیلی لانے کی ضرورت ہے اگر وہ یہ لے آتے ہیں تو شاید عوام اُن کا ساتھ دینا شروع کردیں۔ رکن اسمبلی نے اپنا خیال ظاہر کرتے ہوئے کہا کہ ’’میرے خیال میں ایم کیو ایم پاکستان ہی اپنے آپ کو اپنا سب سے بڑا حریف سمجھتی ہے‘‘

ویڈیو دیکھیں

پروگرام میں علی زیدی نے گفتگو کرتے ہوئے کہا کہ ایم کیوایم کےایک رکن نے سندھ اسمبلی میں عمران خان کے خلاف پیش کی جانے والی  قراردادپرغلطی کااعتراف کیا۔

انہوں نے کہا کہ کراچی میں ہماری کسی سے کوئی لڑائی نہیں بلکہ سب سے بڑی حریف دھاندلی ہے،  پی ٹی آئی کاکراچی میں ایم کیوایم نہیں بلکہ دھاندلی سےمقابلہ ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top