انقرہ: ترکی کے صدر رجب طیب اردوان نے پاک بھارت کشیدگی کے تناظر میں واضح مؤقف اختیار کرتے ہوئے کہا ہے کہ ترکی پاکستان اور کشمیریوں کی حمایت کرتا رہے گا۔
تفصیلات کے مطابق ترک صدر رجب طیب اردوان نے وزیرِ اعظم عمران خان سے ٹیلی فونک رابطے میں واضح طور پر کہا کہ وہ پاکستان اور کشمیریوں کی حمایت کرتے رہیں گے۔
[bs-quote quote=”بھارتی پائلٹ کی رہائی کا اعلان عمران خان کے اعتماد اور طاقت کی عکاسی کرتی ہے۔” style=”style-8″ align=”left”][/bs-quote]
صدر اردوان نے وزیرِ اعظم عمران خان کو پارلیمنٹ میں تقریر کرنے، بھارت کے ساتھ کشیدگی کو کم کرنے اور امن کے قیام کے لیے کی جانے والی کوششوں کو سراہا۔
ترک میڈیا کے مطابق وزیرِ اعظم عمران خان اور ترک صدر کے مابین ٹیلی فونک رابطہ گزشتہ روز شام کو ہوا۔
ترک صدر نے عمران خان سے کہا کہ بھارتی پائلٹ کی رہائی کا اعلان آپ کے اعتماد اور طاقت کی عکاسی کرتی ہے، یہ قابل تحسین حکمتِ عملی ہے۔
صدر اردوان کا کہنا تھا کہ اسلام امن کا مذہب ہے، اسلام آپس کے جھگڑوں کو تحمل کے ذریعے حل کرنے کی تلقین کرتا ہے۔
یہ بھی پڑھیں: پاک بھارت کشیدگی: وزیر اعظم کا ترک صدر اور ولی عہد یو اے ای سے رابطہ
دریں اثنا، وزیرِ اعظم عمران خان نے ترک صدر کو پاک بھارت کشیدگی کو کم کرنے کے لیے پاکستانی اقدامات اور مقبوضہ جموں و کشمیر میں کشمیریوں پر ہونے والے مظالم سے آگاہ کیا۔
وزیرِ اعظم عمران خان نے صدر اردوان، ترکی حکومت اور ترک عوام کا پاکستان اور کشمیر کے ساتھ مکمل یک جہتی کے اظہار پر شکریہ ادا کیا۔
