والدین بچوں کی اچھی پرورش اور نشونما کیلیے ہر ممکن کوشش کرتے ہیں، بچوں کا قد بڑھانے کے لیے متوازن غذا، باقاعدہ ورزش اور مکمل نیند انتہائی ضروری ہے۔
بچوں کی غذا میں کیلشیم، وٹامن ڈی، میگنیشیم اور فاسفورس کا استعمال بڑھا لیا جائے تو اس سے ہڈیوں کی صحت اور نشوونما بہتر ہوسکتی ہے۔
کیلشیم اور پروٹین سے بھرپور غذائیں جیسے دودھ، دہی، انڈے، مچھلی، اور سبزیاں ہڈیوں کی نشوونما کے لیے اہم ہیں۔ اس کے علاوہ، رسی کودنا، لٹکنا اور یوگا جیسی کھینچنے (اسٹریچنگ) والی ورزشیں قد میں اضافے میں مدد دیتی ہیں۔
اس سلسلے میں اے آر وائی کیو ٹی وی کے پروگرام میں معروف ہربلسٹ غالب آغا نے ایک مؤثر اور آسان سا نسخہ تجویز کیا ہے جس کے استعمال سے بچوں کی نشونما میں مزید بہتری آجاتی ہے۔
اس کی تیاری کیلیے انہوں نے بتایا کہ ایک گلاس گرم دودھ میں ایک چٹکی ہلدی، سونٹھ کا پاؤڈر آدھا چائے کا چمچ اور ایک چمچ شہد ملا کر رات کو سونے سے پہلے بچوں کو پلا دیں۔
واضح رہے کہ بچوں کا قد بڑھانے کے لیے شروع سے ہی خصوصی دیکھ بھال کی ضرورت ہوتی ہے۔ بچپن میں ان کی خوراک پر توجہ دے کر ان کا قد بڑھایا جا سکتا ہے۔
خیال کیا جاتا ہے کہ لمبی ہائٹ کے لیے بچوں کو صحت مند ماحول کے ساتھ ساتھ جسمانی ورزش بھی کرنی چاہیے۔
بچوں کا قد تیزی سے بڑھانے کیلئے والدین یہ طریقہ لازمی اپنائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں