صبح صبح اسکول، کالج یا دفتر کے لیے جاتے ہوئے دیر ہورہی ہو تو اکثر لوگ ناشتہ چھوڑ دیتے ہیں تاہم اب منٹوں میں ایک سینڈوچ بنانے کی ویڈیو سوشل میڈیا پر بہت وائرل ہو رہی ہے۔
امریکی ریاست کیلی فورنیا کے شہر سان ڈیاگو کی ایک کانٹینٹ کریئٹر مسز ڈی پینڈا نے سینڈوچ بنانے کی انوکھی ریسپی شیئر کی۔
وہ یوٹیوب پر کھانے پینے کی ویڈیوز بناتی رہتی ہیں تاہم ان کی حالیہ ویڈیو بے حد وائرل ہوگئی ہے جس میں فرائی پین میں چند منٹ میں سینڈوچ تیار ہوجاتا ہے۔
یہ سینڈوچ بنانے کے لیے انہوں نے سب سے پہلے فرائی پین میں مکھن پگھلایا، اس کے بعد 2 انڈے توڑ کر ڈالے اور انہیں پین میں پورا پھیلا دیا۔
انڈے مکمل طور پر پکنے سے پہلے انہوں نے اس پر ڈبل روٹی رکھی، انہیں تھوڑا سا سینکا، اس کے بعد ڈبل روٹی کو پلٹ کر ایک کے اوپر ایک رکھ دیا۔
ڈبل روٹی کو مزید تھوڑا سا سینکنے کے بعد مزیدار سینڈوچ تیار ہوگیا۔ کیا آپ یہ سینڈوچ کھانا چاہیں گے؟