The news is by your side.

Advertisement

کورونا وائرس : جامعات کھولنے سے متعلق سفارشات تیار

لاہور : پنجاب کی جامعات کو مرحلہ وار کھولنے کیلئے سفارشات تیار کرکے وفاق کو بھجوا دی گئی، حتمی فیصلہ وفاقی وزیر شفقت محمود اجلاس کے بعد کریں گے۔

تفصیلات کے مطابق پنجاب کی جامعات کو مرحلہ وار کھولنے کیلئے سفارشات تیار کرلی گئی، تمام وائس چانسلرز سے مشاورت کے بعد حکومت پنجاب نے سفارشات تیار کیں۔

ذرائع کا کہنا ہے کہ جامعات کو ٹائم لائن کے حساب سے کھولا جائے گا، جس میں ماسٹرز، پی ایچ ڈی کی کلاس پہلے مرحلہ میں شامل ہوں گی۔

ذرائع ہ کے مطابق ہائر ایجوکیشن ڈیپارٹمنٹ نے سفارشات تیار کرکے وفاق کو بھجوا دی ہیں، جامعات کھولنے کا حتمی فیصلہ وفاقی وزیر شفقت محمود اجلاس کے بعد کریں گے۔

مزید پڑھیں : حکومت نے جامعات کھولنے پر غور شروع کردیا

یاد رہے وفاقی وزیر تعلیم شفقت محمود کی زیر صدارت بین الصوبائی وزرائے تعلیم کی کانفرنس 7جولائی کو ہوگی، کانفرنس میں تعلیمی اداروں کے کھولنے یا نہ کھولنے کے بارے میں فیصلہ کیا جائے گا۔

خیال رہے حکومت نے 15 جولائی کے بعد جامعات کھولنے کے فیصلے پر غور کرنے سے متعلق ہائیر ایجوکیشن کمیشن (ایچ ای سی) کو باضابطہ طور پر آگاہ کر دیا ہے ، ذرائع کا کہنا تھا کہ حکومت کی جانب سے جامعات مزید بند نہیں رکھی جائیں گی،ایچ ای سی جامعات سے مل کر اپنی پالیسی خود بنائے گی۔

ذرائع کے مطابق چیئرمین ایچ ای سی کی زیر صدارت جامعات کے وی سیز کا ویڈیو لنک پر اجلاس ہوا تھا ، جس میں انہوں نے جامعات سے سفارشات طلب کیں، ایس او پیز کے ساتھ جامعات کھولی جائیں گی۔

fb-share-icon0
Tweet 20

Comments

comments

یہ بھی پڑھیں