The news is by your side.

Advertisement

شناختی کارڈ کی دوبارہ تصدیق کا عمل یکم جولائی سے شروع ہوگا،چوہدری نثار

اسلام آباد: کمپیوٹرئزڈ قومی شناختی کارڈ کی دوبارہ تصدیق کے لئے آئندہ ماہ کی یکم تاریخ سے مُلک بھر میں مہم شروع کی جائے گی۔

تفصیلات کے مطابق وفاقی وزہر داخلہ کی جانب سے ملک بھر شناختی کارڈ کی دوبارہ تصدیق کرانے کا فیصلہ کیا تھا،جس کی تکمیل کے لیے ایک منظم اور مربوط نظام ترتیب دے دیا گیا ہے جب کہ تصدیقی عمل کی سربراہ بلوچستان سے تعلق رکھنے والے چیئرمین نادرا بلوچستان میجر جنرل ریٹائرڈ اجمل خان درانی کو مقرر کیا گیا ہے


مزید جانیے:شناختی کارڈ کی تصدیق کرانا لازمی ہوگا،چوہدری نثار


اسلام آباد میں وفاقی وزیر داخلہ چوہدری نثارکی زیرِ صدارت ہونے اجلاس میں شناختی کارڈ کی دوبارہ تصدیق کے لیے کیے گئے اقدامات کا جائزہ لیا گیا،اس دوران نادرا حکام نے بتایا کہ روزانہ دس ہزار ٹیلیفون کالز وصول کرنیوالی ہیلپ لائن اور ڈیڑھ لاکھ پیغامات وصول کرنے والا ایس ایم ایس نظام قائم کردیا گیا ہے تاکہ غیر ملکیوں کو جاری کئے گئے مشکوک شناختی کارڈز کے بارے میں اطلاع دینے والوں کو آسانی ہو۔


اسی سے متعلق: شناختی کارڈز کی تصدیق کےنظام کی منظوری دیدی


وفاقی وزیر داخلہ چوہدری نثارنے نادرا کی جانب سے کیے گئے اقدامات پر اطمینان کا اظہار کرتے ہوئے عوام کی آگاہی کے لئے ذرائع ابلاغ کے حوالے سے نادرا کی حکمت عملی کی بھی منظوری دے دی انہوں نے شناختی کارڈ کی دوبارہ تصدیق کے عمل کا آغاز یکم جولائی سے کرنے کی ہدایت دے دی اور کہا کہ مقررہ وقت میں غیر ملکیوں کو نادرا کے ڈیٹا بیس سے نکالنے کا مقصد حاصل کرنے کے لئے اپنے تمام دستیاب وسائل بروئے کار لانے کی ہدایت کی۔

Print Friendly, PDF & Email

Comments

comments

یہ بھی پڑھیں