کراچی: جناح انٹرنیشنل ایئرپورٹ کے مین رن وے کی دوبارہ تعمیر کے معاہدے پر دستخط کر دیے گئے۔
تفصیلات کے مطابق اپ گریڈیشن سے رن وے ایک ہزار فٹ بڑھ کر 11500 فٹ طویل ہوجائے گا۔ مین رن وے کی دوبارہ تعمیر کےمنصوبہ پر عید کے بعد کام شروع ہوجائےگا۔
کنٹریکٹ پر دستخط کی تقریب سول ایویشن ہیڈکواٹرز میں ہوئی۔ دوبارہ تعمیر کے بعد کیٹیگری فورایف تک کے وائیڈ باڈی جہاز رن وے استعمال کر سکیں گے۔
بہتر ایئر سائیڈ انفراسٹرکچر بڑھتے مسافروں اور فلائیٹس کے دباؤ سے نمٹنے میں مددگار ثابت ہو گا۔ رن وے کو سینٹرلائن لائٹس اور کیٹ ون ایئر فیلڈ لائٹنگ سسٹم سے لیس کیا جائے گا۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں