اسلام آباد : وزیر اعظم عمران خان نے مسلسل چھ ماہ تک ترسیلات زر 2 ارب ڈالر سے زائد رہنے کی نوید سنا دی۔
ترسیلات زر سے متعلق وزیر اعظم عمران خان نے سماجی رابطے کی ویب سائٹ پر ٹوئٹ کیا، انہوں نے ٹوئٹ میں کہا کہ پاکستان کی معیشت کےلیے مزید خوشخبری ہے۔
وزیراعظم نے کہا کہ نومبر میں ترسیلات زر دو ارب 34 کروڑ ڈالر تک پہنچ گئیں جو مسلسل 6 ماہ تک دو ارب ڈالر سے زائد رہیں گیں۔
ان کا کہنا تھا کہ اکتوبر کے مقابلے میں نومبر میں ترسیلات زر میں 2اعشاریہ چار فیصد اضافہ ہوا جبکہ گزشتہ سال نومبر کے مقابلے میں اس سال ترسیلات زر 28.4 فیصد بڑھیں۔
More good news for Pakistan’s economy as workers’ remittances continued to grow in November – remaining above US$2 billion for a record 6th consecutive month. Acc to SBP they rose to US$2.34 billion, up 2.4% over the previous month & 28.4% over November 2019.
— Imran Khan (@ImranKhanPTI) December 11, 2020
اس حوالے سے اسٹیٹ بینک کا یہ بھی کہنا تھا کہ اکتوبر کے مقابلے نومبر میں ترسیلات زر 2.44 فیصد بڑھیں، رواں مالی سال کے 5 ماہ میں ترسیلات زر میں 27 فیصد اضافہ ہوا ہے۔
جولائی تا نومبر ترسیلات زر کا حجم 11 ارب 80 کروڑ ڈالرز تک پہنچ گیا۔