The news is by your side.

Advertisement

پولیس میں مرحلہ وار 10ہزار آسامیوں پر بھرتی کی منظوری دے دی ہے،عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ پولیس میں مرحلہ وار 10ہزار آسامیوں پر بھرتی کی منظوری دے دی ہے۔

تفصیلات کے مطابق وزیراعلیٰ پنجاب عثمان بزدار نے کرونا کے خلاف فرنٹ لائن پر موجود پولیس جوانوں کو خراج تحسین پیش کرتے ہوئے کہا کہ اہلکارآزمائش کی گھڑی میں دلجمعی سے فرائض انجام دے رہے ہیں۔

عثمان بزدار کا کہنا تھا کہ پولیس افسروں اور جوانوں کی خدمات کی دل سے قدر کرتے ہیں،ہیلتھ پروفیشنلزکی طرز پر پولیس کے لیے شہدا پیکیج کی منظوری دے دی ہے۔

انہوں نے کہا کہ شہید پولیس اہلکاروں کے خاندانوں کو تنہا نہیں چھوڑیں گے،شہید پولیس اہلکاروں کے لواحقین کو شہدا پیکج دیا جائے گا۔

وزیراعلیٰ پنجاب کا کہنا تھا کہ پولیس کو عوام کے جان ومال کے تحفظ وسائل فراہم کیے جا رہے ہیں،پولیس میں مرحلہ وار10ہزارآسامیوں پر بھرتی کی منظوری دے دی ہے۔

عثمان بزدار کا مزید کہنا تھا کہ پولیس کوگاڑیاں خریدنے کی اجازت دی گئی ہے،41 تھانوں کی نئی عمارتوں کی تعمیر جاری ہے،پولیس کا منجمد الاؤنس بحال کیا،ایگزیکٹو الاؤنس کی منظوری دی ہے۔

fb-share-icon0
Tweet 20

Comments

comments

یہ بھی پڑھیں