گوئٹے مالا سٹی: وسطی امریکی ملک گوئٹے مالا سٹی میں طیارہ فضا میں کرتب دکھانے کی تقریب کے دوران قلابازیاں کھاتا ہوا گر کر تباہ ہوگیا جس کے نتیجے میں 3 افراد ہلاک ہوگئے۔
غیرملکی خبررساں ادارے کی رپورٹ کے مطابق طیاروں کی گھن گھرج اور دہل دہلا دینے والے کرتب دکھانے کے ایک مقابلے کی پریکٹس جاری تھی اس دوران ریڈ بل ٹیم کا طیارہ زمین پر قلابازیاں کھاتا ہوا گر کر تباہ ہوگیا جس کے نتیجے میں پائلٹ سمیت 3 افراد ہلاک ہوگئے۔
رپورٹ کے مطابق حادثے میں پائلٹ کے علاوہ پریکٹس دیکھنے والی دو خواتین بھی زد میں آکر ہلاک ہوئیں ہیں تاہم سرکاری سطح پر ہلاک والوں کی شناخت ظاہر نہیں کی گئی ہے۔
تقریب کی انتظامیہ نے حادثے پر گہرے رنج و غم کا اظہار کرتے ہوئے تقریب کو فوری طور پرملتوی کردیا۔
طیارہ کو ایک ماہر پائلٹ اُڑا رہا تھا اس لیے ایئرو کلب میں حادثے سے بچاؤ یا ایمرجنسی سے نمٹنے کے لیے کسی قسم کا سامان موجود نہیں تھا۔
رپورٹ کے مطابق ابتدائی طور پر حادثے کی وجہ معلوم نہیں ہوسکی ہے تاہم فیڈرل ایوی ایشن نے حادثے کی تحقیقات کے لیے کمیٹی تشکیل دے دی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں