The news is by your side.

Advertisement

سعودی عرب: ریڈ سی کمپنی کی عالمی تنظیم برائے سیاحت شمولیت

ریاض: سعودی عرب کی ریڈ سی ڈویلپمنٹ کمپنی نے عالمی تنظیم برائے سیاحت میں شمولیت اختیار کرلی جس کا مقصد سیاحتی ترقی میں اعلیٰ ترین بین الاقوامی معیار کے حصول اور بہترین خدمات کی فراہمی یقینی بنانا ہے۔

سعودی ویب سائٹ کے مطابق سعودی عرب میں ریڈ سی ڈویلپمنٹ کمپنی نے عالمی تنظیم برائے سیاحت (WTO) کی ممبر کونسل میں شمولیت اختیار کرلی۔

کمپنی میں مارکیٹنگ اینڈ ٹریڈ مارک کے چیف ایگزیکٹو عبداللہ الزہرانی کے مطابق اس رکنیت کے حصول سے الحاق شدہ فریقین کو عالمی سیاحت کی تنظیم کے نیٹ ورک اور چینلوں کے ذریعے مقامی، علاقائی اور عالمی ویژن کو یقینی بنانے کا موقع مل سکے گا۔

الزہرانی کا کہنا تھا کہ یہ رکنیت ریڈ سی ڈویلپمنٹ کمپنی کو سیاحتی ترقی کے میدان میں اعلیٰ ترین بین الاقوامی معیار کے حصول اور بہترین خدمات کی فراہمی میں مددگار ثابت ہوگی۔

انہوں نے بتایا کہ سعودی عرب میں عالمی تنظیم برائے سیاحت کے علاقائی دفتر کا افتتاح مشرق وسطیٰ میں سیاحتی مقامات کے لیے تزویراتی فعالیت میں اضافے کے امتیازی مواقع فراہم کرے گا۔

الزہرانی کا میزد کہنا تھا کہ ہمارا خطہ نہ صرف قدرتی عجائبات سے مالا مال ہے بلکہ یہ دنیا میں ثقافتی اور تاریخی حوالوں سے اہم مقامات کی ایک بڑی تعداد بھی رکھتا ہے۔

Comments

یہ بھی پڑھیں