ریما لاگو کے 5 یادگار کردار -
The news is by your side.

Advertisement

ریما لاگو کے 5 یادگار کردار

نئی دہلی: بھارتی فلم انڈسٹری کی معروف اداکارہ اور فلموں میں ماں کا کردار ادا کرنے والی ریما لاگو آج صبح انتقال کرگئیں۔

ریما لاگو نے بے شمار فلموں میں ماں کا کردار ادا کیا تھا اور اس وہ اس کردار کو نہایت خوبی سے نبھاتی تھیں، تاہم کچھ فلموں میں ادا کیے جانے والے ان کے ماں کے چند کردار نہایت یادگار ہیں۔

کل ہو نہ ہو

reema-4

شاہ رخ خان کی فلم کل ہو نہ ہو میں ریما نے ایک ایسی ماں کا کردار ادا کیا جو اپنے جوان بیٹے (شاہ رخ خان) کے کینسر میں مبتلا ہونے کا اذیت ناک دکھ جھیل رہی تھی۔

شوہر کے بغیر اپنے بیٹے کی پرورش کرنے والی اس ماں کو علم ہوتا ہے کہ بہت جلد اس کا بیٹا بھی اس کا ساتھ چھوڑ جائے گا تاہم وہ نہایت حوصلے اور بہادری سے حالات کا مقابلہ کرتی ہے اور اپنے بیٹے کے آخری لمحات تک اس کے ساتھ رہتی ہے۔

کچھ کچھ ہوتا ہے

reema-5

شاہ رخ خان، کاجول، رانی مکھرجی اور سلمان خان کی فلم کچھ کچھ ہوتا ہے میں ریما نے کاجول کی ماں کا کردار ادا کیا تھا۔

اس کردار میں ریما اپنی بیٹی کی زندگی میں خوشیاں لانا چاہتی ہے لیکن وہ مجبور ہوتی ہے اور کچھ کر نہیں سکتی۔ لہٰذا وہ جذبات کو ایک طرف رکھ کر اپنی بیٹی کے بہتر مستقبل کے لیے ایک اچھے لڑکے (سلمان خان) کا انتخاب کرتی ہے۔

ہم آپ کے ہیں کون

reema-3

نوے کی دہائی کی مشہور اور میوزیکل فلم ہم آپ کے ہیں کون میں ریما نے ایک ایسی ماں کا کردار ادا کیا جو مزاجاً نہایت سادہ ہوتی ہے۔ تاہم اس ماں کو بھی اپنی بیٹی کی ناگہانی موت کا دکھ اٹھانا پڑتا ہے اور اپنے ساتھ اپنے خاندان کی دلجوئی بھی کرنی ہوتی ہے۔

ہم ساتھ ساتھ ہیں

reema-1

اس فلم میں ریما کا کردار ایسی ماں کا تھا جو اپنے سوتیلے بیٹے سے بھی بہت محبت کرتی ہے لیکن لوگوں کی باتوں میں آ کر وہ روایتی سوتیلے پن کا شکار ہوجاتی ہے۔

تاہم بعد میں اسے اپنی غلطی کا احساس ہوجاتا ہے جس کا ازالہ کرنے کے لیے وہ ایک لمحہ بھی نہیں لگاتی۔

میں پریم کی دیوانی ہوں

reema-2

کرینہ کپور اور ریتھک روشن کے کیرئیر کی ابتدائی فلموں میں سے ایک میں پریم کی دیوانی ہوں میں ریما نے ابھیشک بچن کی ماں کا کردار ادا کیا تھا۔

اس فلم میں وہ اپنے بیٹے کے لیے اس کی پسند کی لڑکی (کرینہ کپور) کا انتخاب کرتی ہے لیکن جب اسے علم ہوتا ہے کہ وہ اور اس کے بیٹے کا سیکریٹری (ریتھک روشن) ایک دوسرے سے محبت کرتے ہیں تو وہ اعلیٰ ظرفی کا مظاہرہ کرتے ہوئے ان دونوں کی شادی کروا دیتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں