لندن: آکسفورڈ یونیورسٹی کے پروفیسر طارق رمضان نے امریکا میں مسلم ممالک کے داخلے پر پابندی اور مسلمانوں کے خلاف بیان پر ٹرمپ کو تنقید کا نشانہ بنایا۔
سماجی رابطے کی ویب سائٹ پر آکسفورڈ یونیورسٹی میں اسلامیات پڑھانے والے پروفیسر طارق رمضان نے مسلمان مہاجرین کو دہشت گرد قرار دینے والے امریکی صدر پر تنقید کرتے ہوئے کہا ہے کہ ’’مہاجر دہشت گرد نہیں بلکہ دہشت گرد وہ ہیں جن کے ظلم و ستم سے مسلمانوں نے ہجرت کی‘‘۔
Your enemy is not the refugee. Your enemy is the one who made him a refugee.
— Tariq Ramadan (@TariqRamadan) June 30, 2016
یاد رہے امریکی صدر ٹرمپ نے انتخابی مہم کے دوران مسلمان مہاجرین کے خلاف بیانات دیے اور انہیں ثابت کرنے کے لیے صدارت سنبھالتے ہی ایگزیکٹو آرڈر پر دستخط کیے جس کے تحت 7 مسلم ممالک کے مہاجرین کے امریکا داخلہ پر پابندی عائد کی گئی تھی۔
ٹرمپ کے فیصلے کے بعد امریکا میں مسلمانوں سمیت دیگر مذاہب کے لوگوں نے اس اقدام کو جرم قرار دیتے ہوئے ٹرمپ سے فیصلہ واپس لینے کا مطالبہ کیا تاہم عدالت نے نوٹس لیتے ہوئے اس حکم کو معطل قرار دیا جس کے بعد مہاجرین کے ویزوں کی منسوخی کے احکامات معطل ہوگئے۔