The news is by your side.

Advertisement

رقم کا تنازع، دو نامور بھارتی اداکارائیں ماں سمیت عدالت طلب

بالی ووڈ کی نامور اداکاراؤں شلپا شیٹھی، انکی بہن شمیتا شیٹھی کی والدہ سنندا شیٹھی کو لاکھوں روپے ادا نہ کرنے پر عدالت نے طلب کرلیا ہے۔

بھارتی میڈیا کے مطابق ایک بھارتی کاروباری شخصیت ااور آٹو موبائل ایجنسی کے مالک پرہادامرا نے شلپا اور شمیتا اور ان کی والدہ سنندا شیٹھی کے خلاف شکایت درج کروائی ہے جس میں انہوں نے تینوں پر 21 لاکھ روپے کی عدم ادائیگی کا الزام عائد کیا ہے۔

پرہادامرا کے مطابق شلپا شیٹھی کندرا کے آنجہانی والد نے ان سے 2015 میں 21 لاکھ روپے قرض لیے تھے جو انہیں جنوری 2017 میں واپس کرنے تھے لیکن انہوں نے ان کی رقم واپس نہیں کی اور اب کی بیوی اور دونوں بیٹیاں بھی انہیں مذکورہ رقم کی واپسی سے انکاری ہیں۔

شکایت کے بعد اندھیری کی ایک عدالت نے تینوں ماں بیٹیوں کو 28 فروری 2022 کو عدالت میں طلب کرلیا ہے۔

بھارتی خبر رساں ایجنسی کے مطابق اندھیری کی عدالت نے اداکارہ شلپا شیٹھی کندرا، ان کی بہن شمیتا شیٹھی اور والدہ سنندا شیٹھی کو سمن جاری کردیا ہے اور تینوں کو 28 فروری کو عدالت میں پیش ہونے کا حکم دیا ہے۔

واضح رہے کہ شلپا شیٹھی گزشتہ برس بھی اپنے شوہر راج کندرا کے فحش فلمیں بنانے کے کیس کی وجہ سے قانونی شکنجے میں پھنس گئی تھیں۔

Comments

یہ بھی پڑھیں