The news is by your side.

Advertisement

شادی سے انکارپرنوجوان نے لڑکی کو ہاتھ پاؤں باندھ کر جلا ڈالا

پھالیہ : شادی سے انکار پر درندگی کی انتہاء کردی گئی، پھالیہ میں لڑکے نے لڑکی کے ہاتھ پاؤں باندھ کر آگ لگا دی، لڑکی جھلس کر شدید زخمی ہو گئی۔

تفصیلات کے مطابق پھالیہ کے علاقے پنڈی کالوں میں پچیس سالہ نوجوان تصور نے رشتہ قبول نہ کرنے پر لڑکی کو شعلوں میں جھونک دیا۔

پولیس کے مطابق لڑکے نے لڑکی کو گاؤں کی حویلی میں بلایا، ہاتھ پاؤں باندھ کر مبینہ طور پر آگ لگادی جس سے رضوانہ کا جسم جزوی طور پر متاثر ہوا۔

رضوانہ نے برادری سے باہر شادی نہ ہونے کا عذر پیش کیا تھا، رضوانہ کو محض شادی سے انکار نے اس حالت میں پہنچایا۔

پولیس نے بروقت کارروائی کرتے ہوئے جائے وقوعہ سے مضروبہ کو اسپتال منتقل کیا جہاں اس کی حالت خطرے سے باہر بتائی جارہی ہے، ملزم کو حراست میں لے کر مزید تفتیش کا آغاز کردیا گیا ہے۔


مزید پڑھیں: ملتان، رشتے سے انکار، نوجوان نے لڑکی پر تیزاب پھینک دیا


واضح رہے کہ اس سے قبل بھی پنجاب کے مختلف شہروں میں شادی سے انکار پر لڑکیوں پر تشدد کے بیشتر واقعات پیش آچکے ہیں۔


مزید پڑھیں: منگنی کیوں توڑی؟ لڑکی نے نوجوان کو چھری ماردی


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

 

Print Friendly, PDF & Email

Comments

comments

یہ بھی پڑھیں