The news is by your side.

Advertisement

وزیراعظم نیا پاکستان ہاؤسنگ پروگرام کی شاندار پذیرائی، فارم جمع کرانے کا آج پہلا دن

اسلام آباد : وزیراعظم نیا پاکستان ہاؤسنگ پروگرام کو شاندار پذیرائی حاصل ہورہی ہے،ہاؤسنگ اسکیم کا فارم جمع کرانےکاآج پہلادن ہے، ،نادرا سینٹرز پر لوگوں کا رش لگ گیا، خاندان میں صرف ایک ہی فرد کی رجسٹریشن قبول کی جائے گی۔

وزیراعظم نیا پاکستان اپنا گھرہاؤسنگ پروگرام کیلئے ملک بھر سے فارمز جمع کرانے کا سلسلہ شروع ہوگیا ہے، نادرا کے مقرر کردہ سینٹرز پر لوگوں کی بڑی تعداد فارم جمع کرانے کیلئے موجود ہے۔

اپنا گھرہاؤسنگ پروگرام کے فارمز ساٹھ روز تک بشمول کرایا جاسکتا ہے جبکہ عوام ہفتہ اور اتوارکو بھی فارمز جمع کراسکتے ہیں۔

اپنا گھرہاؤسنگ پروگرام میں خاندان کے صرف ایک ہی فرد کی رجسٹریشن قبول کی جائے گی، شہری 21 دسمبر تک 250 روپے فیس کےساتھ فارم جمع کراسکتے ہیں۔

ہاؤسنگ پروگرام کا آغاز ابتدائی طورپر7 اضلاع میں کا آغاز کیا گیا ہے، جن میں سکھر، کوئٹہ، گلگلت، مظفر آباد، سوات، اسلام آباد اور فیصل آباد شامل ہیں۔

اسلام آباد میں نادرا میگاسینٹر اور بلیو ایری امیں فارم جمع کرائے جاسکتے ہیں، فیصل آباد،سکھر،سوات،گلگت میں فارم ڈی سی آفس جمع کرائے جاسکتے ہیں جبکہ کوئٹہ نادرا اور مظفرآباد میں ڈی سی آفس میں فارم جمع کرائے جاسکتے ہیں

اسلام آباد وزیرمملکت داخلہ شہریارآفریدی نے نیا پاکستان ہاؤسنگ پروگرام کا افتتاح کیا، تقریب سے خطاب میں کہا ون ونڈو سروس کے ذریعے لوگوں کو گھر دیئے جائیں گے۔

فیصل آباد میں بھی اپنا گھرہاؤسنگ پروگرام کیلئےدرخواست وصولی کاسلسلہ شروع ہوگیا ، ڈی سی آفس میں فارم وصولی کے لئے نادرا آفس قائم کیا گیا ہے۔

مزید پڑھیں : نیا پاکستان ہاؤسنگ اسکیم، 50 لاکھ گھروں کی رجسٹریشن کا عمل شروع

گورنر سندھ عمران اسماعیل نے سکھر میں نیا پاکستان ہاؤسنگ اسکیم رجسٹریشن آفس کا افتتاح کیا۔

گورنر گلگت بلتستان نے گلگت میں وزیراعظم اپنا گھر اسکیم کا افتتاح کیا اور کہا پی ٹی آئی حکومت نےپہلی بارعوامی نوعیت کے منصوبے کا آغازکیا۔

نیا پاکستان ہاؤسنگ اسکیم کا آزاد کشمیر میں آغاز ہوگیا ، وزیرامورکشمیر وگلگت بلتستان علی امین گنڈا پور نے کہا کشمیرایک خوبصورت علاقہ ہے، آزاد کشمیر میں سیاحت کو فروغ دیں گے۔

یاد رہے نیشنل ڈیٹا بیس اینڈ رجسٹریشن اتھارٹی ( نادرا) نے ’نیا پاکستان ہاؤسنگ‘ پروگرام کا رجسٹریشن فارم جاری کیا، جو خواہش مند شہری 12 اکتوبر سے 21 دسمبر 2018 تک مختص کردہ ضلعی ہاؤسنگ پروگرام دفاتر میں 250 روپے فیس کے ساتھ جمع کراسکتے ہیں۔

واضح رہے 10 اکتوبر کو وزیراعظم نے ” نیا پاکستان ہاؤسنگ منصوبے” کا افتتاح کیا اور تقریب سے خطاب میں کہا تھا کہ ہاؤسنگ اسکیم ملک میں خوشحالی لے کرآئے گی، اپنا گھراسکیم ان لوگوں کیلئےجوکبھی گھربنانےکاسوچ نہیں سکتے تھے، گھروں کے منصوبے میں عام آدمی ہمارا ٹارگٹ ہوگا۔

Comments

comments

یہ بھی پڑھیں