The news is by your side.

Advertisement

شادی کے دس ماہ میں بھی کوئی حقوق نہیں ملے، ریحام خان

لندن : چیئرمین پاکستان تحریک انصاف عمران خان کی سابقہ اہلیہ ریحام خان نےبرطانوی اخبار کو دیئے گئے انٹرویو میں اپنے اوپر لگنے والے الزامات کا بھرپورجواب دیتے ہوئے کہا ہے کہ وہ انتقام کا شکار بنیں انہیں شادی کے دس ماہ میں کوئی حقوق نہیں ملے اوربلاوجہ الزامات لگائے گئے۔

ریحام خان کاکہنا تھا کہ عمران خان اورہ ایک دوسرےسے بہت مختلف ہیں، عمران خان کی سابقہ اہلیہ کاکہناتھاکہ ان پرالزامات لگےمگرکسی نےدفاع نہیں کیا،حتیٰ کہ زہردینے کی کوشش تک کاالزام لگادیا گیا، آخر انہیں خودپرلگنے والےالزامات کاجواب دینے کیلئے انٹرویودینا پڑا۔

برطانوی جریدے دی سنڈے ٹائمز کو اپنے انٹرویو میں ریحام خان کا کہنا تھا کہ عمران خان نے شادی سے قبل مجھ سے میرے والدین کے نام پوچھے، وہ شاید اپنے پیر صاحب سے ہماری شادی سے متعلق پوچھنا چاہتے تھے۔ عمران سے جب دوسری ملاقات ہوئی تو انہوں نے شادی کی پیشکش کرڈا لی

اس کے علاوہ ہماری شادی پر عمران خان کی بہنیں بالکل بھی خوش نہیں تھیں لیکن عمران کا کہنا تھا کہ شادی کے بعد سب کچھ ٹھیک ہو جائے گا۔

ریحام خان نے مزید کہا کہ انہیں بھی شادی کیلئےاپنےبھائی کومناناپڑاتھا، ریحام خان کا کہناتھاکہ ان کی شادی پاکستان یابرطانیہ کہیں بھی رجسٹرڈنہیں ہے۔

عمران خان کی سابق اہلیہ کا کہنا تھا کہ مجھے غلط طریقے سے طلاق دی گئی، عمران خان نے صرف میسج کے ذریعے کہا ’طلاق، طلاق، طلاق‘جس پر بہت افسوس ہوا اور پھر عمران نے اپنے ایک دوست کے ذریعے مجھے طلاق کے کاغذات بھیجے جس پر اور بھی زیادہ رنج ہوا۔

Print Friendly, PDF & Email

Comments

comments

یہ بھی پڑھیں