The news is by your side.

Advertisement

پاکستان میں تیرہ لاکھ بچے سڑکوں پر زندگی گزارتے ہیں، ریحام خان

لاہور : تحریک انصاف کے سربراہ عمران خان کی سابق اہلیہ ریحام خان نے کہا ہے کہ پاکستان میں 13 لاکھ اسٹریٹ چلڈرن ہیں جو حکومتی عدم توجہ اور معاشرتی رویوں کے با عث سڑکوں پر وقت گزارنے کیلئے مجبورہیں۔

ان خیالات کا اطہار انہوں نے چلڈرن لائبریری کمپلیکس لاہور میں الخدمت فاؤنڈیشن کے چائلڈ پروٹیکشن پروگرام کی تقریب سے خطاب کرتے ہوئے کیا ۔

ریحام خان کا کہنا تھا کہ حکومت سڑکیں، میٹرو اوراورنج ٹرین کی بجا ئے ایسے بچوں پر توجہ دے۔ پروگرام کے انعقاد کا مقصد اسڑیٹ چلڈرن کی احساس محرومی ختم کرنا اور انہیں معاشرے کا فعال حصہ بنانا ہے۔

انہوں نے کہا کہ الخدمت فاؤنڈیشن نے اسٹریٹ چلڈرن کو زیور تعلیم سے آراستہ کرنے اور ان کی زندگی میں رنگ بھرنے کا عہد کیا ہے جو خوش آئند ہے۔

انہوں نے کہا کہ پوری قوم کو اسٹریٹ چلڈرن کے حقوق کے لئے اپنا کردار کرنا ہو گا۔

 

Print Friendly, PDF & Email

Comments

comments

یہ بھی پڑھیں