site
stats
پاکستان

کلبھوشن دہشت گرد ہے ،پھانسی ضرور ہونی چاہئے، مودی خود دہشت گردوں کا امام ہے، رحمان ملک

لاہور : سابق وزیر داخلہ رحمان ملک نے کہا ہے کہ کلبھوشن کے معاملہ میں عالمی عدالت انصاف نے اختیارات سے تجاوز کیا، پاک بھارت معاہدے کے مطابق کسی دہشت گرد کو کونصلیٹ تک رسائی نہیں دی جاسکتی ، کلبھوشن دہشت گرد ہے ،پھانسی ضرور ہونی چاہئے۔

تفصیلات کے مطابق لاہور میں پیپلز پارٹی رہنما فائزہ ملک کے گھر آمد پر میڈیا سے گفتگو کرتے ہوئے پپپلز پارٹی کے رہنما رحمان ملک نے کہا کہ بھارت کی جانب سے کلبھوشن کا معاملہ عالمی عدالت میں لیجانے پر پاکستان فائدہ اٹھا سکتا ہے، کشمیر،پانی کی بندش اور بنگلہ دیش کو الگ کرنے کا معاملہ بھی عالمی عدالت کے سامنے رکھنا چاہئے، پاکستان کا مقدمہ لڑنے والوں کی ناکامی ہے۔

رحمان ملک کا کہنا تھا کلبھوشن دہشت گرد ہے اسے پھانسی ضرور ہونی چاہئے مودی خود دہشت گردوں کا امام ہے۔

سابق وزیر داخلہ نے کہا کہ سوشل میڈیا پر فیک اکاونٹ بنا کر ملکی مفادات کے خلاف پروپیگنڈہ کرنے والوں کے خلاف کارروائی ہونی چاہئے، الطاف حسین کے خلاف ریڈ وارنٹ عدالتی احکامات کی روح سے جاری ہوسکتے ہیں۔

انکا کہنا تھا پاکستان نے مغرب کی جنگ میں دہشت گردی کے خلاف پاکستان نے پچاس ہزار لوگوں کی قربانی دی، ٹرمپ نے ہمارا نام تک نہ لیا ٹرمپ کو ٹویٹر پر احتجاج ریکارڈ کرایا جبکہ وزیر اعظم انکی موجودگی میں خاموش رہے، جس سے پاکستان کے عوام کی دلشکنی ہوئی انکی قربانیوں کو تسلیم نہیں کیا گیا۔

انہوں نے دعوی کیا کہ پاکستان میں داعش موجود ہے انکے خلاف کارروائی وقت کی ضرورت ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک  وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top