The news is by your side.

Advertisement

’’بھارت میں داعش کے 2 ٹھکانے ہیں، امریکا، فٹیف کو نظر نہیں آرہا‘‘

اسلام آباد: پیپلزپارٹی کے سینئر رہنما سینیٹرز رحمان ملک نے کہا کہ بھارت میں داعش کے 2 ٹھکانے ہیں، ٹھکانوں سے سری لنکا پر حملے ہوئے، امریکا، فٹیف کو نظر نہیں آرہا۔

اے آر وائی نیوز کی رپورٹ کے مطابق سینیٹر رحمان ملک کا کہنا ہے کہ را کے ایجنٹ ٹویٹر پر ان کے خلاف شور مچارہے ہیں، 44 بھارتی بینکوں سے ایک بلین ڈالرز کی ٹرانزیکشن ہوئی۔

انہوں نے کہا کہ نریندر مودی نے اپنی تقریر کشمیریوں کا کوئی ذکر نہیں کیا، بھارتی ایجنسی داعش کی حمایت کررہی ہے، کیا امریکا اور فیٹف کو بھارتی دہشت گردی نظرنہیں آتی۔

رحمان ملک نے کہا کہ افغان امن عمل کے قریب پہنچنے پر بھارت، داعش کارروائیاں کرتے ہیں، فٹیف نے بھارت کے خلاف ابھی تک کیوں تحقیقات شروع نہیں کیں؟

واضح رہے کہ گزشتہ دنوں 44 بھارتی بینکوں سے ایک بلین ڈالرز کی ٹرانزیکشن کا انکشاف ہوا تھا، علاوہ ازیں بھارت افغان امن عمل کو نقصان پہنچانے کے لیے مختلف ہتھکنڈے استعمال کررہا ہے۔

Comments

یہ بھی پڑھیں