The news is by your side.

Advertisement

کشمیر میں مظالم، رحمن ملک کا اقوام متحدہ کو خط

لاہور: سینیٹر رحمان ملک نے اقوام متحدہ سے مطالبہ کیا ہے کہ وہ کشمیر میں جاری بھارتی مظالم پر تحقیقات کروائے۔

تفصیلات کے مطابق سینیٹر رحمان  نے اقوام متحد ہ کے ہائر کمیشن برائے انسانی حقوق کو مقبوضہ کشمیر کی صورتحال پر خط تحریر کیا ہے ، جس میں اقوام متحدہ سے مطالبہ کیا ہے کہ  مقبوضہ کشمیر میں جاری بھارتی مظالم پر تحقیقات کروائے۔

انہوں نے خط میں مزید کہا ہے کہ کشمیری عوام اقوام متحدہ کی قرارداد کے مطابق اپنا حق خود ارادیت مانگ رہے ہیں جس پر بھارتی افواج کی جانب سے نہتے کشمیریوں پر مظالم کیے جارہے ہیں، مقبوضہ کشمیر میں بھارتی مظالم کا یہ پہلا واقعہ نہیں  بلکہ مظالم کا سلسلہ کئی برسوں سے جاری ہے لیکن بین الاقوامی انسانی حقوق کی تنظیمیں بھارتی بربریت پر خاموش تماشائی بنی ہوئی ہیں۔

Rehman-Malik-Post

رحمان ملک نے خط میں مزید کہا ہے کہ بھارتی مظالم پر انسانی حقوق اور عالمی برادری کی خاموشی انتہائی دکھ کی بات ہے، انہوں نے درخواست کی کہ  مسئلہ کشمیر کے معاملے پر اقوام متحدہ کی جانب سے انسانی حقوق کمیشن تشکیل دے جو اپنی رپورٹ اقوام متحدہ میں پیش کرے۔

انہوں نے اپیل کی کہ اس مسئلے کو اقوام متحدہ کے جنرل اسمبلی کے اجلاس میں بھی اٹھایا جائے اور برسوں پرانے دیرینہ مسئلے کو حل کیا جائے۔

مزید پڑھیں : مقبوضہ کشمیرمیں بھارتی مظالم : کرفیو آٹھویں روزمیں داخل

واضح رہے کہ مقبوضہ کشمیر میں برہان وانی کی شہادت کے بعد احتجاجی مظاہروں کا سلسلہ شروع ہوا، مظاہرین پر بھارتی افواج کی فائرنگ سے اب تک 43 سے زائد افراد جاں بحق جبکہ سیکڑوں زخمی ہوئے ہیں، اسپتال حکام نے اس بات کا انکشاف بھارتی افواج کی جانب سے مہلک ہتھیار استعمال کیے جارہے ہیں جس کے باعث کئی کشمیریوں کی آنکھیں ضائع ہوگئی ہیں۔
Print Friendly, PDF & Email

Comments

comments

یہ بھی پڑھیں