نیویارک: ورلڈ ریسلنگ انٹرٹینمنٹ (ڈبلیو ڈبلیو ای) کی جانب سے ’ہیل اِن آ سیل‘ ایونٹ منعقد کیا گیا جس میں یونیورسل چیمپئن رومن رینز (بگ ڈوگ) کو ٹائٹل کا چیلنج درپیش تھا، رومن نے اپنے کزن اوسو برادرز کو بھی نہ بخشا اور سپر مین پنچ سمیت اپنے مخصوص اسپیئر مار کر انہیں شکست دی۔
تفصیلات کے مطابق ڈبلیو ڈبلیو ای اسٹار رومن رینز رنگ میں دوبارہ واپس آتے ہی چھا گئے، بگ ڈوگ نے یونیورسل چیمپئن شپ کا ٹائٹل دوسری مرتبہ اپنے نام کرکے رنگ میں ڈھاک بٹھا دی، بگ ڈوگ نے حریف ریسلرز کی ایک نہ چلنے دی اور یورنیورسل ٹائٹل کا کامیاب دفاع کیا۔
Usually a @WWERomanReigns SPEAR means it’s over …
Not tonight. #HIAC pic.twitter.com/cNtCXUjWFd
— WWE (@WWE) October 25, 2020
رومن رینز نے جیت کے ساتھ ہی سماجی رابطے کی ویب سائٹ ٹویٹر پر فتح کی تصاویر ٹویٹ کیں جس میں دیکھا جاسکتا ہے کہ وہ یونیورسل ٹائٹل تھامے ہوئے حریف ریسلرز کی جانب دیکھ رہے ہیں، انہوں نے تصاویر کے کیپشن میں لکھا کہ ’ان کے لیے، آپ کے لیے، ہمارے لیے، رنگ کا سردار۔‘
For them.
For you.
For us. #TribalChief #HIAC pic.twitter.com/hfuzIDrRSE— Roman Reigns (@WWERomanReigns) October 26, 2020
دوسری جانب ڈبلیو ڈبلیو ای چیمپئن شپ ٹائٹل کے لیے ریسلر رینڈی اورٹن اور ڈریو میکنٹائر مدمقابل آئے، رینڈی اورٹن نے میکنٹائر کو جال سے نیچے پھینک کر چیمپئن شپ ٹائٹل سے محروم کردیا۔
ADVANTAGE: @RandyOrton. 😱😱😱#HIAC pic.twitter.com/KwyGhX3MbM
— WWE (@WWE) October 26, 2020
’منی ان دی بینک‘ بریف کیس کا مقابلہ دی مز نے جیت لیا، مز کی کامیابی کے بعد اس بات کا امکان ہے کہ وہ بریف کیس کا فائدہ اٹھاتے ہوئے کسی بھی وقت رومن رینز کو چیلنج دے سکتے تھے چاہے رومن اس وقت ایک فائٹ جیت کر تھکے ہوئے ہی کیوں نہ ہوں۔
MIZ-TER MONEY IN THE BANK.#HIAC @mikethemiz pic.twitter.com/OItwDPI3MM
— WWE (@WWE) October 26, 2020
یونائیٹڈ اسٹیٹس چیمپئن شپ کا ٹائٹل بوبی لیشلے لے اُڑے، لیشلے نے سلیپ جیک کو اپنے مخصوص داؤ پیچ لگا کر ڈھیر کیا، میچ کے بعد ریسلر مصطفیٰ علی رنگ میں اترے اور لیشلے پر حملہ کردیا، لیشلے اور مصطفیٰ علی کے درمیان آئندہ ہونے والی ایونٹ میں مقابلہ ہونے کا امکان ہے۔
دیگر مقابلوں میں جیف ہارڈی نے الائنس کو شکست دی جبکہ خاتون ریسلر ساشا بینکس نے بیلی کو ہرا کر ٹائٹل اپنے نام کیا۔