تازہ ترین

ریکوڈک منصوبہ : صدرِ مملکت نے سپریم کورٹ میں ریفرنس دائر کردیا

اسلام آباد: صدر مملکت عارف علوی نے سپریم کورٹ میں ریکوڈک ریفرنس دائر کردیا ، وفاقی حکومت کی جانب سے ریکوڈک ریفرنس منظور کیا تھا۔

تفصیلات کے مطابق صدر مملکت عارف علوی نے سپریم کورٹ میں ریکوڈک ریفرنس دائر کردیا ، وزیر اعظم کی ایڈوائس پر صدر نے ریفرنس سپریم کورٹ میں دائر کیا۔

عدالت عظمیٰ سے غیر ملکی کمپنی سے معاہدے سے متعلق رائے لی جائے گی۔

یاد رہے وفاقی کابینہ نے 30 ستمبر کو اپنے اجلاس میں عوامی اہمیت کے قانون کے بعض سوالات کے حوالے سے آئین کے آرٹیکل 186 کے تحت سپریم کورٹ آف پاکستان میں ریفرنس دائر کرنے کی منظوری دی تھی۔

بعد ازاں رواں ماہ کے آغاز میں صدر مملکت ڈاکٹر عارف علوی نے آئین کے آرٹیکل 186 کے تحت سپریم کورٹ میں ریکوڈک پراجیکٹ میں ریفرنس دائر کرنے کی سمری کی منظوری دی تھی۔

ایوان صدر کے پریس ونگ کی جانب سے بیان میں کہا تھا کہ اس سے قبل وزیر خزانہ کی سربراہی میں ایپکس کمیٹی اور ٹیتھیان کاپر کمپنی پاکستان (پرائیویٹ) لمیٹڈ نے اس سال مارچ میں ریکوڈک پراجیکٹ کے تصفیے اور بحالی کے لیے ایک فریم ورک پر اتفاق کیا تھا۔

Comments

- Advertisement -