قطر کے وزیراعظم شیخ محمد بن عبدالرحمان الثانی نے کہا ہے کہ ایران کے ساتھ تعلقات متاثر ضرور ہوئے مگر بحالی کی امید ہے۔
دوحا میں لبنانی ہم منصب کیساتھ پریس کانفرنس سے خطاب کرتے ہوئے قطری وزیراعظم نے کہا کہ ایران کی جانب سے میزائل حملہ تعلقات پر داغ چھوڑ گیا ہے امید ہے تعلقات جلد معمول پر آجائیں گے۔
شیخ محمد بن عبدالرحمان الثانی نے کہا کہ قطر اور امریکا کی شراکت مضبوط ہو رہی ہے ایران سے تعلقات بھی بہتر ہونے چاہئیں، قطر نے امریکا کی درخواست پر ایران سے رابطے کیے اور سہولت کاری کی۔
ان کا کہنا تھا کہ ایران کو مذاکرات کی میز پر واپس آنا چاہیے ہمسائیگی کا رشتہ ایسے واقعات سے متاثر نہیں ہونا چاہیے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں