site
stats
پاکستان

ترکی میں مغوی پاکستانی بازیاب، اہل خانہ خوشی سے نہال

ترکی میں بازیاب ہونے والے 6 پاکستانیوں کے اہل خانہ خوشی سے نہال ہوگئے، اہل خانہ نے خبر سنتے ہی شکرانے کے نوافل ادا کیے، مٹھائی بانٹی۔


یہ پڑھیں: استنبول پولیس کی کارروائی: انسانی اسمگلرز گرفتار،6 مغوی پاکستانی بازیاب


تفصیلات کے مطابق ترکی میں اغوا شدہ 6 پاکستانیوں کی بازیابی کی خبر سنتے ہی گوجرانوالہ میں ان افراد کے اہل خانہ نے جشن منانا شروع کردیا، مٹھائیاں تقسیم کیں اور اللہ کےحضور شکرانے کے نوافل ادا کیے۔

اطلاعات کے مطابق بازیاب شدہ نوجوانوں میں سے گوجرانوالہ کے رہائشی ذیشان کے گھر خوشی کا سماں ہے، بہن اور والدہ نے نوافل ادا کیے، ایک دوسرے سے گلے ملے اور مبارک بادیں دیں۔

اہل خانہ نے اغوا کا معاملہ اٹھانے پر میڈیا کا شکریہ ادا کیا ،میڈیا زندہ باد کے نعرے بھی لگائے اور کہا کہ حکومت کی جانب سے سخت نوٹس کے بعد ترک حکومت سے رابطہ کرنے کی وجہ سے ہمارے پیارے بازیاب ہوئے، حکومت نے ہم پر بہت بڑا احسان کیا ہے۔

قبل ازیں ذیشان کی والدہ اور بہنیں ویڈیو دیکھنے کے بعد غم سے رو رو کر نڈھال ہوچکی تھیں لیکن اچانک منظر نامہ بدل گیا اب اہل خانہ خوشی سے پھولے نہیں سمارہے اور اپنے پیاروں سے ملنے کے لیے بے تاب ہیں۔

ترکی سے بازیاب ہونے والے فضل امین کے بھائی اور بچے نے اے آر وائی نیوزکا شکریہ ادا کیا اور کہا ہے کہ اس معاملے کو اے آر وائی نیوز نے اٹھایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top