The news is by your side.

کور کمانڈر لاہور کی ہدایت پر سیلاب متاثرین کیلئے امدادی کیمپس قائم

لاہور : کور کمانڈر لاہور لیفٹیننٹ جنرل محمد عبدالعزیز کی ہدایت پر سیلاب متاثرین کی امداد کے لئے 17 مختلف مقامات پر امدادی کیمپس قائم کردیئے گئے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سیلاب متاثرین کی امداد کے لئے کور کمانڈر لاہور لیفٹیننٹ جنرل محمد عبدالعزیز کی ہدایت پر امدادی کیمپس قائم کردیئے گئے۔

آئی ایس پی آر کا کہنا ہے کہ لاہور ڈویژن میں پاک آرمی اور پنجاب رینجرز نے 17 مختلف مقامات پر سیلاب زدگان کے لئے امدادی کیمپس لگائے گئے ہیں۔

آئی ایس پی آر کے مطابق سیلاب متاثرین کیلئےامدادی کیمپس فورٹرس سٹیڈیم، صدر، والٹن، جوہر ٹاؤن، گریٹر اقبال پارک، بیدیاں روڈ، ڈیفینس ہاؤسنگ اتھارٹی، لبرٹی، قصور، شیخوپورہ اور چونیاں کے مقام پر قائم کئے گئے ہیں۔

آئی ایس پی آر نے بتایا کہ کمیپس میں عوام سیلاب متاثرین کے لئے کیمپس میں عطیات جمع کر وا رہی ہے، عطیات میں خوراک، ادویات، پینے کا پانی، دریاں، کمبل، مچھر دانیاں اور گرم کپڑے شامل ہیں۔

پاک آرمی اور پنجاب رینجرز کے جوان متاثرین تک عطیات کی ترسیل کے لئے دن رات مصروف عمل ہیں۔

پاک فوج بلوچستان ، سندھ، کے پی کے اور جنوبی پنجاب کے متاثرین تک ترسیل بھی یقینی بنا رہی ہے۔

ترجمان کا کہنا ہے کہ عوام ضرورت کی اس گھڑی میں دل کھول کر عطیات دیں اور متاثرین کو ریلیف پہنچائیں۔

Comments

یہ بھی پڑھیں