The news is by your side.

ترکی اور یواے ای کے طیارے سیلاب متاثرین کے لیے امدادی سامان لے کر پاکستان پہنچ گئے

کراچی : ترکی اور متحدہ عرب امارات سے سیلاب متاثرین کیلئے امدادی سامان لے کر طیارے پاکستان پہنچ گئے۔

تفصیلات کے مطابق سیلاب متاثرین کے لیے خصوصی امداد لیکر ترکی سے جہاز کراچی ائیرپورٹ لینڈ کرگیا

وفاقی وزیر خرم دستگیر خان اور صوبائی وزیر سعید غنی نے ترکی کے حکام سے ریلیف کے لیے پہنچنے والے سامان کو وصول کیا۔

ائیرپورٹ ذرائع نے بتایا کہ ترکی سے پہنچنے والے سامان میں ٹینٹ ، کھانے پینے کی اشیا، مچھر دانیاں اور دیگر اشیا شامل ہیں۔

اس موقع پر ترکی کے سفارتخانہ کے حکام ا، این ڈی ایم اے حکام اور پی ڈی ایم اے سندھ کے ڈی جی سلمان شاہ ٹیم کے ہمراہ بھی ائیرپورٹ پر موجود تھے۔

ذرائع کے مطابق ترکی ایرفورس کے طیارہ ریلیف کا سامان لیکر 7:55بجے لینڈ کیا، ریلیف کا سامان سیلاب متاثرین میں تقسیم ہوگا۔

دوسری جانب یو اے ای سے سیلاب متاثرین کے لیے امدادی سامان لے کر پہلا طیارہ راولپنڈی پہنچا ، امدادی سامان میں خیمے،خوراک،دوائیں اوردیگر ضروری اشیا شامل ہیں۔

متحدہ عرب امارات سے چند دن میں مزید پندرہ طیارے پاکستان پہنچیں گے۔

خیال رہے گزشتہ روز وزیراعظم کی ترکیہ کےصدرطیب اردوان سے ٹیلیفون پرگفتگوہوئی تھی ، جس میں وزیراعثم نے ترکیہ کے صدر کو پاکستان میں سیلاب کی تباہ کاریوں سے آگاہ کیا تھا۔

متحدہ عرب امارات کے صدر محمد بن زید النہیان نے وزیراعظم سے فون پر سیلاب سے تباہی پر افسوس کا اظہار کیا اور ہر ممکن مدد فراہم کرنے کی یقین دہانی کرائی تھی۔

Comments

یہ بھی پڑھیں