The news is by your side.

Advertisement

مذہبی جماعت کا احتجاج ، ٹریفک میں پھنسی خاتون نے مظاہرین کو کھری کھری سنادی

لاہور : مذہبی جماعت کے احتجاج کےنام پر سڑکوں کی بندش کے باعث ٹریفک میں پھنسی خاتون نے مظاہرین کو کھری کھری سنادی۔

تفصیلات کے مطابق مذہبی جماعت کے کارکنوں کی جانب سے احتجاج کے باعث ٹریفک میں پھنسی خاتون نے مظاہرین سے راستہ کھولنے کا کہا تو مظاہرین نے مشورہ دیا کہ آپ رنگ روڈ سے چلی جائیں تو خاتون نے جواب دیا کہ پیٹرول کے پیسے دے دو تو میں رنگ روڈ سے چلی جاؤں گی۔

مذہبی جماعت کے کارکنوں نے کینال روڈ پر ٹریفک روک دی جبکہ گاڑیاں نہ روکنے والوں پر پتھراؤ  کیااور متعدد گاڑیوں کے ٹائر پنکچر کر دیئے۔

دوسری جانب لاہور میں مظاہرین نے جنرل اسپتال کی ایمرجنسی کے گیٹ پردھاوا بول دیا ، کارکنان ڈنڈے مار کر ایمرجنسی کا گیٹ نمبر 3 توڑ رہے ہیں

جنرل اسپتال میں خوف و ہراس پھیل گیا ، پولیس پر بھی پتھراؤ کا سلسلہ جاری ہے، پولیس اور اسپتال سیکیورٹی گارڈز حملہ آور کارکنان کے سامنے بے بس نظر آئے۔

Comments

یہ بھی پڑھیں