The news is by your side.

Advertisement

ریما سرکاری ٹی وی پر ٹاک شو کی میزبانی کریں گی

اسلام آباد:اداکارہ ریما خان کو سرکاری ٹی وی پر بطور اینکر ٹاک شو کی اجازت مل گئی، اداکارہ کا شو عید الفطر کے بعد نشر ہوگا۔

تفصیلات کے مطابق اداکارہ و ہدایت کارہ ریما خان نے شادی کے چار سال بعد شوبز سرگرمیوں کا دوبارہ آغاز کر دیا مگر اداکارہ اب صرف بطور اینکر اور فلم پروڈیوسر اپنے فن کے جوہر دکھانا چاہتی ہیں۔

ذرائع کے مطابق اسلام آباد میں وفاقی وزیر اطلاعات و نشریات پرویز رشید سے ملاقات کے دوران اداکارہ ریما خان کو سرکاری ٹی وی پر بطور اینکر ٹاک شو کی اجازت دے دی گئی ہے جبکہ یہ شو عیدالفطر سے آن ائیر کیا جائے گا۔

اس طرح ریما خان آئندہ اپنا زیادہ وقت اپنے سسرال یعنی امریکا کے بجائے میکے پاکستان میں گزاریں گی۔

ریما خان نے اے آر وائی کو بتایا کہ وہ عید کے بعد بطور پروڈیوسر اور ہدایت کارہ نئی فلم کا آغاز بھی کررہی ہیں جس میں اداکاری کے جوہر دکھانے کا فیصلہ تاحال نہیں کیا۔

واضح رہے کہ ریما خان شادی سے قبل بھی نجی ٹی وی پر بطور اینکر پرفارم کرچکی ہیں۔

Print Friendly, PDF & Email

Comments

comments

یہ بھی پڑھیں