The news is by your side.

Advertisement

15 منٹ میں آنکھوں کے حلقے ختم کرنے کا طریقہ

نیند پوری نہ ہونا اور رات دیر تک جاگنا عام ہوچکا ہے جس کی وجہ سے آنکھوں کے نیچے گہرے سیاہ حلقے پڑجاتے ہیں، تاہم ان حلقوں کو نہایت آسانی سے ختم کیا جاسکتا ہے۔

اے آر وائی ڈیجیٹل کے مارننگ شو گڈ مارننگ پاکستان میں ڈاکٹر بتول نے آنکھوں کے حلقے فوری دور کرنے کا مؤثر طریقہ بتایا۔ اس طریقے سے آنکھوں کی سوجن اور حلقے 15 منٹ کے اندر ختم ہوسکتے ہیں۔

ڈاکٹر بتول نے بتایا کہ آم کا موسم ہے اور اس کے چھلکے میں وٹامن اے موجود ہوتا ہے، ان چھلکوں کو پھینکیں مت۔

آم کے چھلکے کو اسٹیل کے چمچ پر اچھی طرح رگڑیں، اس کے بعد اس پر وٹامن سی کے 2 قطرے ٹپکائیں اور چمچے کو فریزر میں رکھ دیں۔

ٹھنڈا ہوجانے کے بعد اسے نکال کر الٹی طرف سے آنکھوں پر مساج کریں، آنکھوں کی سوجن اور حلقے فوراً ختم ہوجائیں گے۔

ڈاکٹر بتول نے بتایا کہ چمچے کا اسٹیل جلد کے اندر فائبر کو جوڑتا ہے، ایسے افراد جن کی گردن یا چہرے پر جھریاں پڑ رہی ہوں اور جلد ڈھیلی ہو وہ چمچے کو اسی طرح فریز کر کے پورے چہرے پر اس کا مساج کرسکتے ہیں۔

Comments

یہ بھی پڑھیں