The news is by your side.

Advertisement

راولپنڈی : نیب نے رینٹل پاور کیس میں اہم ملزم کو گرفتار کرلیا

راولپنڈی : قومی احتساب بیورو راولپنڈی نے ایک اور کارروائی میں کارکے کمپنی رینٹل پاور کیس میں ملوث ملزم کو گرفتار کرلیا، ملزم شیر ملک سابق صدر آزاد کشمیر راجہ ذوالقرنین کے بیٹے کا فرنٹ مین ہے۔

تفصیلات کے مطابق رینٹل پاور کیس میں نیب نے کارروائی کرتے ہوئے کارکے رینٹل پاور کیس میں ملوث ملزم کو حراست میں لے لیا ہے۔ ملزم سے اسکینڈل سے متعلق اہم دستاویزات بھی برآمد کرلی گئی ہیں۔

اس حوالے سے نیب ذرائع کا کہنا ہے کہ ملزم شیر ملک نے کارکے کمپنی کے اکاؤنٹ سے بھاری رقم وصول کی، ملزم کا جسمانی ریمانڈ حاصل کرنے کے لیے کل احتساب عدالت پیش کیا جائے گا، واضح رہے کہ اس سے پہلے بابر ذوالقرنین کے فرنٹ مین لائق کو بھی گرفتار کیا جاچکا ہے۔

واضح رہے کہ اس سے قبل رینٹل پاور کیس میں نیب نے کارروائی کرتے ہوئے سابق وفاقی سیکریٹری شاہد رفیع کو گرفتار کیا تھا، چھاپے کے دوران اسکینڈل سے متعلق اہم دستاویزات بھی برآمد کرلی گئی تھیں۔

Comments

comments

یہ بھی پڑھیں