site
stats
عالمی خبریں

ڈونلڈ ٹرمپ رپبلکن پارٹی کے باضابطہ صدارتی امیدوار نامزد

واشگٹن : امریکا کے ارب پتی تاجر ڈونلڈ ٹرمپ کو رپبلکن پارٹی نے نومبر میں ہونے والے صدارتی انتخابات کے لیے باضابطہ طور پر اپنا امیدوار نامزد کر دیا ہے۔

trump-3

امریکی ریاست اوہائیو کے شہر کلیولینڈ میں جاری رپبلکن کنونشن میں ووٹنگ کے دوران ٹرمپ کے بڑے بیٹے ڈونلڈ ٹرمپ جونیئر کی حمایت کے اعلان کے بعد ٹرمپ کو بارہ سوسینتیس سے زیادہ مندوبین کی حمایت حاصل ہوگئی ہے۔ ایوانِ نمائندگان کے سپیکر پال رائن نے رپبلکن پارٹی کی جانب سے باضابطہ طور پر صدارتی نامزدگی کی دوڑ میں ڈونلڈ ٹرمپ کی جیت کا اعلان کیا۔

trump-2

ٹرمپ نے ٹویٹ میں کہا کہ یہ میرے لیے بڑے اعزاز کی بات ہے، میں سخت محنت کروں گا اور آپ کو مایوس نہیں ہونے دوں گا۔ سب سے پہلے امریکہ!!

حریف ہلیری کلنٹن کی طرف سے نے اس خبر پر فوری ردِعمل دکھاتے ہوئے ٹویٹ کیا گیا کہ ڈونلڈ ٹرمپ ابھی ابھی رپبلکن امیدوار بنے ہیں، ابھی ہمارے ساتھ شامل ہو کر اس بات کو یقینی بنائیں کہ وہ کبھی بھی (وائٹ ہاؤس کے) اوول آفس میں قدم نہ رکھ پائیں۔

trump-1

یاد رہے کہ ٹرمپ کے حامی کل مندوبین کی تعداد 1725 رہی، ان کے حریف ٹیڈ کروز صرف 475 مندوبین اور سابق امریکہ صدر بش کے بھائی جیب بش صرف تین مندوبین کی حمایت حاصل کرنے میں کامیاب رہے۔

توقع ہے کہ ہلیری کلنٹن کی باضابطہ صدارتی نامزدگی کا اعلان اگلے ہفتے فلیڈیلفیا میں ہونے والے ڈیموکریٹک کنونشن میں کیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top