The news is by your side.

Advertisement

کے ٹو سرچنگ آپریشن تیسرے روز بھی بغیر نتیجہ ختم ، محمد علی سد پارہ اور ٹیم تاحال لاپتہ

اسکردو: پاک فوج کا کے ٹو پر تیسرے روز کا ریسکیو سرچ آپریشن روک دیا گیا ،تاہم  اب تک محمد علی سدپارہ اور ٹیم کا کچھ پتہ نہ لگ سکا۔

تفصیلات کے مطابق پاک فوج کی جانب سے محمد علی سدپارہ اور ٹیم کی تلاش میں جاری کے ٹو سرچنگ آپریشن تیسرے روز بھی بغیرنتیجہ ختم ہوگیا ، ریسکیو میں 2 ہیلی کاپٹرز استعمال ہوئے۔

ذرائع کا کہنا ہے کہ تیسرے روز بھی ریسکیوآپریشن میں حوصلہ افزا خبرنہ ملی، کے ٹو پر تیسرے روز کا ریسکیو سرچ آپریشن روک دیا گیا، خراب موسم کے باعث سرچنگ آپریشن میں مشکلات کاسامنا رہا، سرچنگ کے لئے ماہر کوہ پیماؤں کی خدمات بھی حاصل کی گئی۔

ذرائع کے مطابق منفی 65 ڈگری کے باوجود ہیلی کاپٹرز نے انتہائی بلندی تک پروازیں کی، ہیلی کاپٹرز نے 7 ہزار 6 سو میٹر تک پروازیں کی، برفیلی ہوائیں منفی 65 میں بھی ریسکیو سرچنگ کئی گھنٹے جاری رہا۔

پاک آرمی کی مدد سے پچھلے 3 روز سے خطرناک ریسکیو مہم جاری ہے، ریسکیو سرچ آپریشن میں فضائی اور زمینی ٹیموں نے حصہ لیا، ریسکیو میں جدید ٹیکنالوجی بھی استعمال کی گئی، مخصوص کیمروں سے فلم بندی بھی کرتے رہے، کے ٹو پر چوتھے روز بھی ریسکیو اینڈسرچنگ آپریشن ہوں گے۔

ذرائع کے مطابق محمد علی سدپارہ اور ٹیم سے3 دن قبل بوٹل نیک پررابطہ ہواتھا، کےٹو پر آج بھی درجہ حرارت منفی 65 کے قریب بتایا گیا ہے اور کے ٹو پربرفیلی ہوا کادباؤ بہت زیادہ ہے۔

دوسری جانب ڈی جی آئی ایس پی آر کا کہنا ہے کہ علی سدپارہ کیساتھ 2اورکوہ پیمابھی لاپتہ ہیں، کےٹوسرکرنےکےدوران تینوں کوہ پیمالاپتہ ہوئے، اس وقت بھی سرچ اینڈریسکیوآپریشن جاری ہے، تاہم بدقسمتی سےابھی تک کوئی نہیں مل سکا۔

Comments

یہ بھی پڑھیں