The news is by your side.

شاہراہوں پر ریسکیو اسٹیشن، ٹریفک حادثات کے زخمیوں کو فوری طبی امداد دی جاسکے گی

پشاور: صوبہ خیبر پختونخواہ میں موٹر ویز اور دیگر بڑی شاہراہوں پر ریسکیو اسٹیشنز بنائے جارہے ہیں جہاں ٹریفک حادثات میں زخمی ہونے والوں کو فوری طبی امداد دی جائے گی۔

تفصیلات کے مطابق پشاور موٹر وے سمیت بڑی شاہراہوں پر ریسکیو 1122 سیٹلائٹ اسٹیشنز کے قیام کا عمل جاری ہے، مذکورہ اسٹیشنز صوبائی ڈیزاسٹر مینجمنٹ اتھارٹی (پی ڈی ایم اے) اور یو ایس ایڈ کے اشتراک سے قائم کیے جارہے ہیں۔

پی ڈی ایم اے کے ڈائریکٹر جنرل شریف حسین کا کہنا ہے کہ ٹریفک حادثات میں زخمی افراد کو ان اسٹیشنز میں فوری طبی امداد فراہم کی جائے گی، قیمتی جانیں بچانے کے لیے اسٹیشنز میں آپریشن تھیٹرز بھی قائم کیے جائیں گے۔

ڈی جی کے مطابق ریسکیو اسٹیشنز خیبر پختونخواہ کے مختلف انٹر چینجز پر بنائے جائیں گے، ریسکیو اسٹیشنز کو جلد ایمبولینسز بھی فراہم کی جائیں گی۔

انہوں نے مزید کہا کہ کنٹینر میں قائم اسٹیشنز کے لیے سامان کی ترسیل جاری ہے، منصوبے پر 185 ملین روپے لاگت آئے گی۔

Comments

یہ بھی پڑھیں