The news is by your side.

Advertisement

رہائشی عمارت ملبے کا ڈھیر بن گئی، ویڈیو میں تباہی کے دلخراش مناظر

بنگلور : بھارت میں ایک رہائشی عمارت کے گرنے کا دلخراش منظر موبائل فون کی ویڈیو گیلری میں محفوظ ہوگیا، عمارت دیکھتے ہی دیکھتے ملبے کا ڈھیر بن گئی۔

بھارتی ریاست کرناٹک کے دارالحکومت بنگلور میں ایک رہائشی عمارت زمیں بوس ہوگئی مذکورہ عمارت کا جھکاؤایک جانب ہوگیا تھا جس کی وجہ سے اسے خطرناک قرار دیا گیا تھا۔

خوش قسمتی سے حادثے کے وقت مذکورہ عمارت میں کوئی شخص بھی موجود نہیں تھا، اس لیے کسی جانی یا مالی نقصان کی اطلاع نہیں ملی ہے۔

اس حوالے سے بھارتی میڈیا کا کہنا ہے کہ 1962میں تعمیر ہونے والی عمارت کی دیواروں کا پلستر اور چھت کا سریا گرنے سے متعلق عمارت کے مکینوں نے ایمرجنسی سروسز سے رابطہ کیا تھا۔

ایمرجنسی سروسز کے عملے نے فوری طور پر جائے وقوعہ پر پہنچ کر مکینوں کو مخدوش عمارت سے باہر نکالا جس کے کچھ دیر میں ہی یہ عمارت منہدم ہوگئی۔

سوشل میڈیا پر وائرل ہونے والی اس مختصر سی 20سیکنڈ کی ویڈیو میں دکھایا گیا ہے کہ عمارت دیواریں اس کے وزن سے نیچے گر رہی ہیں اور چند سیکنڈ میں پوری عمارت دھول اور ملبے کے ایک بڑے بادل میں ڈھل جاتی ہے۔

Comments

یہ بھی پڑھیں