آرمی چیف جنرل قمر جاوید باجوہ نے کہا ہے کہ کشمیر سمیت خطے کےعوام دیرپا امن کے مستحق ہیں، تنازع کشمیرکاحل کشمیریوں کی امنگوں کے مطابق ضروری ہے۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ لاہور گریژن پہنچے تو لیفٹیننٹ جنرل محمد عبدالعزیز نے استقبال کیا۔
دورہ کے موقع پر آرمی چیف نے افسران سےخطاب کرتے ہوئے پیشہ ورانہ امور، داخلی و خارجی صورتحال پر اظہار خیال کیا جب کہ آرمی چیف نےپاکستان اور خطےمیں دیرپاامن سےمتعلق وژن پر روشنی ڈالی۔
آرمی چیف نے مشرقی سرحدوں اور مقبوضہ کشمیرکی صورتحال پر بھی گفتگو کی۔ مسئلہ کشمیر پر گفتگو میں آرمی چیف نے کہا کہ کشمیر سمیت خطے کےعوام دیرپا امن کے مستحق ہیں، تنازع کشمیرکاحل کشمیریوں کی امنگوں کے مطابق ضروری ہے۔
جنرل قمر باجودہ کا کہنا تھا کہ ہائبرڈ جنگ کے چیلنجز میں مزیدچوکنا اور تیار رہنےکی ضرورت ہے۔
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں