وزیراعظم عمران خان نے کہا ہے کہ مسئلہ کشمیر کا حل خطے کے پائیدار امن کیلئے ضروری ہے۔
تفصیلات کےمطابق وزیراعظم عمران خان سے اسلامی تعاون تنظیم (او آئی سی) کے نمائندہ خصوصی کی زیرقیادت وفد نے ملاقات کی جس میں وزیراعظم نے مقبوضہ وادی میں بھارتی مظالم سے وفد کو آگاہ کیا۔
وزیراعظم نے کہا کہ مسئلہ کشمیر پر او آئی سی اصولی مؤقف رکھتا ہے امہ کی جانب سے کشمیر یوں کے حق خودارادیت پر مسلسل تائید لائق ستائش ہے۔
وزیراعظم عمران خان سے او آئی سی کے نمائندہ خصوصی کی زیرقیادت وفد کی ملاقات.وزیراعظم نے مقبوضہ وادی میں بھارتی مظالم سے وفد کو آگاہ کیا.مسئلہ کشمیر پر او آئی سی اصولی مؤقف رکھتا ہے.امہ کی جانب سے کشمیر یوں کے حق خودارادیت پر مسلسل تائید لائق ستائش ہے.
1/5@ImranKhanPTI @OIC_OCI pic.twitter.com/KRo9rUIcLD— PTV News (@PTVNewsOfficial) November 8, 2021
وزیراعظم نے مقبوضہ کشمیر کےلوگوں کی انسانی بنیادوں پر مدد کی فراہمی پر بھی زور دیتے ہوئے کہا کہ مسلم امہ اسلامو فوبیا سمیت انتہا پسندانہ نظریات کے چیلنج سےنمٹنےکیلئےاپنی صفوں میں اتحاد پیدا کرے۔
وزیراعظم نے کہا کہ مقبوضہ کشمیر اور فلسطین سمیت دیرینہ عالمی تنازعات کا پرامن حل ہونا چاہیے کشمیری عوام کی امنگوں کے مطابق مسئلہ کشمیر کا حل خطے کے پائیدار امن کیلئے ضروری ہے۔
وزیراعظم نے اقوام متحدہ کی قراردادوں کے مطابق مسئلہ کشمیر کو حل کرنے کے موقف کو دہرایا۔