سکھر / گھوٹکی: سنیئر صوبائی وزیر نثار کھوڑو نے کہا ہے کہ ایم کیو ایم کی قومی اسمبلی میں پیش کی گئی قرارداد محض ڈرامہ ہے جبکہ وزیر اطلاعات مولا بخش چانڈیو نے کہا کہ پاکستان کی سالمیت کے خلاف باتیں کرنے والوں سے اتحاد نہیں ہوسکتا۔
تفصیلات کے مطابق سنیئر صوبائی وزیر نثار کھوڑو نے گھوٹکی میں میڈیا سے گفتگو کرتے ہوئے کہا کہ ’’سربراہ ایم کیو ایم پاکستان ڈاکٹر فاروق ستار جھوٹ بول رہے ہیں۔ ایم کیو ایم گروپوں میں تقسیم ہوچکی ہے اور اس وقت تک متحدہ کے چار گروپ سامنے آچکے ہیں‘‘۔
اُن کا کہنا تھا کہ ’’ایم کیو ایم پاکستان کی اپنے بانی کے خلاف قومی اسمبلی کی قرار داد محض ڈرامہ ہے کیونکہ پاکستان کی قیادت الطاف حسین کو بچانے کےلیے کوشاں ہے‘‘۔
دوسری جانب وزیر اطلاعات سندھ مولا بخش چانڈیو نے کہا کہ ’’پاکستان کی سالمیت کے خلاف باتیں کرنے والوں سے اتحاد نہیں ہوسکتا اور نہ ہی ایسے لوگوں کے ساتھ سیاسی سفر ممکن ہے۔
پاناما لیکس کے حوالے سے اُن کا کہنا تھا کہ ’’تحریک انصاف کے چیئرمین اور قیادت نے پیپلزپارٹی سے کوئی مشاورت نہیں کی۔ انہوں نے پی ٹی آئی کی قیادت پر تنقید کرتے ہوئے کہا کہ ’’اگر اکیلے انقلاب لانا چاہتے ہیں تو لے آئیں‘‘۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں