The news is by your side.

Advertisement

دو دریا پر ریسٹورنٹس بند ہونے کا خدشہ، شہری تفریحی مقام سے محروم ہوجائیں گے

کراچی: سمندر کے کنارے، دو دریا کے مقام ریسٹورنٹس بند ہونے کا امکان پیدا ہوگیا ہے جس کے بعد کراچی کے شہری ایک دل کش تفریحی مقام سے محروم ہوجائیں گے۔

تفصیلات کے مطابق دو دریا کی انتظامیہ نے کہا ہے کہ ریسٹورنٹس کے مالکان کے ساتھ ان کا معاہدہ جون میں ختم ہورہا ہے جس کے بعد وہ معاہدے میں توسیع نہیں کریں گے اور مالکان کو ریسٹورنٹس بند کرنے پڑیں گے۔

انتظامیہ نے ریسٹورنٹس مالکان کو نوٹس دیتے ہوئے صاف صاف بتادیا ہے کہ وہ جگہ خالی کردیں۔ اس نوٹس کے بعد مشہور تفریحی مقام دو دریا کے مستقبل پر سوالیہ نشان لگ گیا ہے، جس سے شہری بھی تشویش میں مبتلا ہوگئے ہیں۔

شہریوں کا کہنا ہے کہ دو دریا کراچی کی شناخت بن چکا ہے، اسے ختم کرنے کی کارروائی سمجھ سے بالا ہے، انتظامیہ کو چاہیے کہ اسے بند کرنے کی بجائے پروموٹ کریں۔

خیال رہے کہ انتظامیہ نے ریسٹورینٹس مالکان کو ڈیڑھ سال قبل نوٹس جاری کیے تھے جس پرانہوں نےعدالت سے اسٹے آرڈر لے لیا تھا۔ مالکان کا کہنا ہے کہ کوئی بھی کارروائی غیر قانونی ہوگی۔

کراچی میں کھانے پینے کی 10 مشہور جگہیں

واضح رہے کہ کراچی میں فوڈ اسٹریٹس کی بات کی جائے اور دو دریا کا ذکر نہ آئے ایسا ممکن نہیں، یہ پاکستان کے بہترین ریسٹورنٹس کے حوالے سے بھی جانا جاتا ہے، جہاں عوام کی ایک بڑی تعداد مزیدار کھانوں سے لطف اندوز ہونے آتی ہے، لوگ کھانے کے ساتھ ساتھ سمندر کے خوبصورت اور حسین نظاروں سے بھی لطف اندوز ہوتے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں