تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

سفارتی تعلقات کی بحالی کے باوجود ایران سعودیہ اختلافات برقرار

ریاض : سعودی حکام نے واضح کیا ہے کہ ایران سے سفارتی تعلقات کی بحالی کا مطلب یہ نہیں ہے کہ اس کے ساتھ تمام اختلافات کا بھی خاتمہ ہوگیا۔

یہ بات سعودی عرب کے وزیر خارجہ شہزادہ فیصل بن فرحان نے مقامی روززمانے کو انٹرویو دیتے ہوئے کہی، انہوں نے کہا کہ سعودیہ اور ایران سفارتی تعلقات کی بحالی کا معاہدہ مفاہمت کی دونوں ممالک کی مشترکہ خواہشات کی تصدیق کرتا ہے۔

انہون نے کہا کہ دونوں ممالک رابطے اور بات چیت کے ذریعے اختلافات حل کرنے کے خواہاں ہیں تاہم انہوں نے اس امر پر زور دیا کہ اس کا مطلب یہ نہیں کہ دونوں ملکوں کے مابین دوسرے تمام اختلافات بالکل ختم ہوگئے ہیں۔

یاد رہے کہ ریاض اور تہران نے گذشتہ جمعہ کو بیجنگ میں 2016ء سے منقطع تعلقات کو دوبارہ شروع کرنے اور دو ماہ کے اندر دونوں سفارت خانے دوبارہ کھولنے پر اتفاق کیا تھا۔

سعودی وزیر نے کہا کہ وہ اپنے ایرانی ہم منصب سے جلد ملاقات کے منتظر ہیں، انہوں نے مزید کہا کہ ہم اگلے دو ماہ کے دوران باہمی سفارتی تعلقات بحال کرنے کی تیاری کر رہے ہیں اور مستقبل میں سفیروں کا تبادلہ ہمارے لیے معمول کی بات ہے۔

کیف اور ماسکو کے اپنے حالیہ دورے اور یوکرین۔ روس جنگ کو روکنے کے لیے سعودی ثالثی کے بارے میں گفتگو کے بارے میں بن فرحان نے تصدیق کی کہ سعودی عرب ایک سیاسی حل تک پہنچنے کے لیے دونوں ممالک کے ساتھ کام کرنے کے لیے تیار ہے۔

Comments

- Advertisement -