The news is by your side.

Advertisement

سشانت کی موت کا اثر، بھارتی لڑکیاں، لڑکے خود کشی کرنے لگے

بہار: بھارتی اداکار سشانت سنگھ کی افسوس ناک خود کشی ریاست بہار کے نوجوانوں پر بری طرح اثر انداز ہونے لگی ہے۔

بھارتی میڈیا کے مطابق بالی ووڈ اداکار سشانت کی موت سے اثر لیتے ہوئے نالندہ ضلع اور پٹنہ میں ایک لڑکے اور لڑکی نے پھندا لگا کر خود کشی کر لی۔

رپورٹس کے مطابق بہار میں نالندہ ضلع کے چنڈی تھانے کے علاقے میں منگل کو ایک طالب علم نے گلے میں پھندا لگا کر خودکشی کرلی، لودی پور گاﺅں میں اوما شنکر لال کے 14 سالہ بیٹے گوتم کمار کی لاش اس کے گھر سے برآمد ہوئی۔

لڑکے کے اہل خانہ کا کہنا تھا کہ فلمی اداکار سشانت سنگھ راجپوت کی موت سے وہ کافی رنجیدہ تھا، اسی وجہ سے اس نے خود کشی کر لی۔ دوسری طرف پولیس نے ایف آئی آر درج کر کے مزید تفتیش شروع کر دی ہے۔

کیا سشانت سنگھ راجپوت کو قتل کیا گیا؟

ادھر بہار کے شہر پٹنہ میں بھی ایک 17 سالہ لڑکی نے سشانت کی موت سے دل برداشتہ ہو کر گلے میں پھنڈا ڈال کر خود کشی کر لی ہے، پولیس کا کہنا تھا کہ راجندر نگر کی رہائشی لڑکی نے پیر کی رات ٹی وی چینلز پر سشانت سنگھ کی موت کی خبر مسلسل دیکھنے کے بعد خود کشی کی۔

سترہ سالہ لڑکی اشیکا کماری دسویں کلاس کے امتحانی نتائج کا انتظار کر رہی تھی، لڑکی کی ماں گوری دیوی نے پولیس کو بتایا کہ اشیکا دسویں جماعت کے امتحان میں اچھی کارکردگی نہیں دکھا سکی تھی اور اس پر پریشان تھی۔ انھوں نے کہا کہ اشیکا رات بھر ٹی وی چینلز اور موبائل پر سشانت سنگھ کی موت کی خبر دیکھتی رہی، میں نے اسے منع بھی کیا کہ ایسی خبریں مت دیکھو لیکن اس نے نہیں سنا۔

پولیس کے مطابق اشیکا نے بیڈروم میں خود کو ماں کی ساڑھی سے چھت کے پنکھے سے لٹکا کر خود کشی کی، ماں کی مدعیت میں واقعے کا مقدمہ درج کر کے مزید تفتیش شروع کر دی گئی ہے۔

یاد رہے کہ اتوار کو معروف بالی ووڈ اداکار سشانت سنگھ راجپوت نے خود کو ممبئی کے فلیٹ میں لٹکا کر خود کشی کر لی تھی۔

Comments

یہ بھی پڑھیں