The news is by your side.

Advertisement

طالبان کی غزنی پرقبضے کی ناکام کوشش

غزنی: افغانستان کے مشرقی علاقے میں باغی طالبان نے قندوز کی فتح کے بعد اب غزنی شہر پرحملے کی کوششیں شروع کردیں ہیں واضح رہے کہ قندوز کی فتح 14 سال میں طالبان کی سب سے بڑی فتح ہے۔

طالبان کی جانب سے غزنی کے محاصرے کی کوشش کو افغان سیکیورٹی فورسز نے ناکام بنادیا ہے تاہم اس حملے سے ملک میں طالبان کی قوت سے متعلق خطرے کی گھنٹیاں بجنے لگیں ہیں۔

نائب صوبائی گورنر محمد علی احمدی کا کہنا ہے کہ دو ہزار سے زائد طالبان جنگجوؤں نے غزنی شہرپرحملہ کیا تھا۔

انہوں نے مزید کہا کہ طالبان شہر سے پانچ کلومیٹرکے فاصلے تک آنے میں کامیاب ہوگئے تھے تاہم افغان فورسز کے فوری اورتیز ردعمل کے سبب طالبان بھاگنے پر مجبور ہوگئے۔

غزنی کے نائب پولیس چیف اسد اللہ شجاہی غزنی کا کہنا تھا کہ طالبان کی غزنی پر قبضے کی کوشش ناکام رہی اور انہوںنے جلد ہی احساس کرلیا کہ یہ غزنی ہے، قندوزنہیں ہے۔

Print Friendly, PDF & Email

Comments

comments

یہ بھی پڑھیں