The news is by your side.

نیوز ایجنسی روئٹرز نے اعلیٰ صحافتی اعزاز ’پولٹزر پرائز‘ اپنے نام کرلیا

نیویارک: بین الاقوامی نیوز ایجنسی روئٹرز نے رواں سال صحافت کے شعبے میں اعلیٰ ترین اعزاز پولٹزر پرائز اپنے نام کرلیا ہے، ایجنسی نے بین الاقوامی رپورٹنگ اور فوٹوگرافی کے دو انعامات جیتے۔

تفصیلات کے مطابق امریکی شہر نیویارک میں منعقد ہونے والی تقریب تقسیم انعامات میں روئٹرز کو فلپائن کے صدر روڈریگو کی منشیات کے خلاف مہم کے دوران مقامی پولیس کی جانب سے منشیات فروش گروہوں کو قتل کرنے کے متنازعہ طریقوں کی تفتیشی رپورٹ شائع کرنے پر پہلا ایوارڈ دیا گیا۔

روئٹرز کو میانمار اور بنگلا دیش میں روہنگیا مہاجرین کے بحران پر تصویری دستاویزی رپورٹنگ پر دوسرا انعام بھی نوازا گیا۔ مذکورہ خبررساں ادارے کو پہلی بار سال میں دو پولٹزر ایوارڈ دیے گئے۔

پولٹزر پرائز تقریب میں امریکی اخبارات نیویارک ٹائمز اور واشنگٹن پوسٹ کو امریکا میں خواتین کو جنسی طور پر ہراساں کیے جانے سے متعلق انکشافات اور پچھلے صدارتی انتخابات میں روس کی مبينہ مداخلت کے حوالے سے قومی رپورٹنگ کے ایوارڈ سے نوازا گیا۔

پاناما پیپرز نے صحافت کا اعلی اعزاز “پولٹزر پرائز” جیت لیا

اس موقع پر روئٹرز کے چیف ایڈیٹر سٹیفان جے آڈلر نے کہا کہ انھیں خوشی ہے کہ روئٹرز نے عالمی امور کی اہمیت کو سمجھتے ہوئے بین الاقوامی موضوعات پر توجہ مرکوز کی۔

واضح رہے کہ 1917 سے پولٹزر پرائز صحافتی شعبے میں امریکا کا اعلیٰ ترین اعزاز مانا جاتا ہے جو صحافت کے علاوہ فکشن، شاعری، موسیقی، ڈراما، تاریخ اور بایوگرافی کے شعبوں میں بھی دیا جاتا ہے۔ یہ اعزاز امریکی پبلشر جوزف پولٹزر سے منسوب ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں