The news is by your side.

Advertisement

مراد سعید کی بڑی کامیابی، وزارت مواصلات کا ریونیو 2 سال میں 103ارب پر پہنچ گیا

اسلام آباد : وفاقی وزیر مواصلات مراد سعید کا کہنا ہے کہ وزارت مواصلات کاریونیو 2سال میں 103ارب پر پہنچ گیا جبکہ 75کروڑ کی بچت کی، پاکستان کی تاریخ میں کبھی کسی حکومت نے کارکردگی قوم کےسامنے نہیں رکھی۔

تفصیلات کے مطابق وفاقی وزیر مواصلات مراد سعید نے میڈیا سے گفتگو کرتے ہوئے کہا کہ وزارت مواصلات نے سادگی مہم میں حصہ لیا،75کروڑ کی بچت کی اور پہلی بار ای بلنگ کا آغاز کیا۔

مراد سعید کا کہنا تھا وزارت مواصلات کاریونیو 2سال میں 103ارب پر پہنچ گیا، ہم نے ٹرانسپرنسی کو مدنظر رکھا، خودانحصاری کیلئے محاصل میں اضافے کیلئے بھی توجہ مرکوز ہے، ہمارے اس سال 8پروجیکٹ ہیں جن پر کام شروع ہوگیا ہے۔

وفاقی وزیر مواصلات نے کہا کہ کراچی چمن کوئٹہ سڑک کی فزبلٹی پر بھی کام شروع ہوچکا ہے، ہمارے دور میں شاہراہوں پر 48.2فیصد کام زیادہ ہوا، روزگار ، سرمایہ کاری میں اضافے کیلئے پبلک پرائیوٹ پارٹنر شپ کی حکمت عملی اپنائی۔

ان کا کہنا تھا کہ وزارت پوسٹل سروسز میں بھی انقلابی اقدامات کئے ہیں ، پوسٹل سروسزکے ذریعے گھر کی دہلیز پر پیسے پہنچارہےہیں، محکمہ ڈاک میں متعدد نئے منصوبے شروع کئے ہیں۔

مراد سعید نے مزید کہا کہ وزیراعظم کے وژن پر مکمل عملدرآمدکرنے کی کوشش کی ہے ، پاکستان کی تاریخ میں کبھی کسی حکومت نےکارکردگی قوم کے سامنے نہیں رکھی۔

Comments

یہ بھی پڑھیں